Axşamdan ağzı açıq qabda qalan yeməyi yemək olarmı?

Va aleykum Salam. Axşamdan qalan qapağı açıq yeməyi yemək icazəlidir. Peyğəmbərimiz (Allahın ona salavatı və salamı olsun) bizə axşam yatarkən açıq qabları örtməyi tövsiyə edərək demişdir: “Qapıları kilidləyin, su tuluqları­nın ağzını bağlayın, qabların ağzı­nı bağlayın, qab-qacağın üstünü örtün və çıraqları sön­dürün. Çünki şey­tan kilidli qapını, bağlı tuluğu və ağzı bağlı qabı aça bil­məz. Bir də ki, siçan insanların evlərini yandıra bilər” (əl-Ədəbul-Mufrad, 1221). Lakin bu hədis axşamdan açıq qalmış qabdan yeməyin qadağan olunması anlamına gəlmir. Amma bir çox bişirilmiş yeməklər ağzı açıq qabda və soyuducudan kənarda qaldıqda korlanaraq insana zərər verə bilər.