"İnşallah" sözünün mənası nədir?

Və aleykum Salam. İn şəə Allah sözü "Əgər Allah istəsə" və ya "Allahın izni ilə" deməkdir. Bu ifadə dilimizdəki "Allah qoysa" ifadəsinə müvafiq hesab etmək olar. Uca Allah buyurur: "Heç bir şey barəsində: "Mən onu sabah edəcəyəm!" - demə! Ancaq: "Əgər Allah istəsə!" ("inşallah"- de!) Unutduğun zaman Rəbbini yada salıb: "Ola bilsin ki, Rəbbim məni haqqa bundan daha yaxın olan bir yola yönəltsin" - de. (əl-Kəhf, 23-24).
Bu ayədən məlum olur ki, gələcəkdə bir iş görmək istədikdə "İnşallah filan işi görəcəyəm" demək lazımdır.