Musanın Rəbbinə verdiyi suallar

 
Əbu Hureyra (Allah ondan razı olsun) rəvayət edir ki, Allah Elçisi - salləllahu aleyhi və səlləm - de­miş­dir: “Musa Rəbbindən altı xislət barəsində soruşdu. O güman edirdi ki, bu xislətlər ona (Musaya) aiddir. Yeddinci xisləti isə o sev­mirdi. Musa soruşdu: “Ya Rəbb! Hansı qulun ən təqvalıdır?” Allah buyurdu: “Məni zikr edən və Məni unutmayan”. Musa so­ruş­du: “Ya Rəbb! Hansı qulun ən doğ­ru yoldadır?” Allah bu­yur­du: “Doğru yolla gedən”. Musa soruşdu: “Ya Rəbb! Hansı qulun ən ədalətli hökm verəndir?” Allah buyurdu: “İnsanlar arasında, özü üçün hökm verdiyi kimi hökm verən”. Musa soruşdu: “Ya Rəbb! Hansı qulun ən biliklidir?” Allah buyurdu: “İnsanların elmini öz elminə birləşdirərək elmdən doymayan alim”. Musa soruşdu: “Ya Rəbb! Hansı qulun ən izzətlidir?” Allah buyurdu: “Cəzalan­dır­mağa qadir olduğu halda bağışlayan”. Musa soruşdu: “Ya Rəbb! Hansı qulun ən zəngindir?” Allah buyurdu: “Verilənə razı olan”. Musa soruşdu: “Ya Rəbb! Hansı qulun ən kasıbdır?” Allah bu­yur­du: “Verilənlə kifayətlənməyib, artıq istəyən”. Allah Elçisi - salləllahu aleyhi və səlləm - dedi: “Zənginlik çoxlu mal-dövlətə sahib olmaq demək deyildir. Həqiqətən, zənginlik nəfsin zəngin olmasıdır. Allah bir qula xeyir istədikdə onun nəfsini zəngin, qəlbini təq­valı edər. Allah bir qula şər istədikdə isə kasıb­lığı onun alnına yazar[1]”.[2]