Qiyamət günü sünnə namazlarının fərz namazlarındakı qüsurları tamamlaması haqqında

Və aleykum Salam. Qılmadığımız sünnə namazları qıldığımız fərz namazları ilə axirətdə əvəz olunmayacaq. Əksinə, nafilə namazları fərz namazlarındakı naqislikləri doldurur. Peyğəmbər (Allahın ona və ailəsinə salavatı və salamı olsun) demişdir: "Qiyamət günü bəndənin hesaba çəkiləcəyi ilk əməli namazdır. Əgər namazları qaydasında olsa, uğur qazanar və nicat tapar. Əgər namazları qay­dasında olmasa, ziyana uğrayar. Əgər fərz namazla­rından bir şey əskik olsa, Uca Rəbb belə buyurar: "Baxın, qulumun nafilə na­mazları varmı?" Belə­lik­lə nafilələrlə fərzlərindən əskik olanı tamamlanacaq. Sonra digər əməlləri də bu cür hesaba çəkiləcək". (ət-Tirmizi, 413).

Odur ki, nafilə namazlar fərz namazlardan sonra insanı Allaha yaxınlaşdıran ən fəzilətli əməllərdən sayılır. Peyğəmbər (salləllahu aleyhi və səlləm) demişdir: "(Namaz qılmaqla) Allaha çoxlu səcdə et! Çünki, sən Allaha bir səcdə etdikdə, Allah onun səbəbi ilə səni bir dərəcə yüksəldir və bir günahını silir". Daha ətraflı: