əl-Məsəd surəsi 1 - 5 - ci ayələr

 
Rəvayət edilir ki, İbn Abbas (Allah ondan razı olsun) demişdir: “(Bir dəfə) Peyğəmbər - sallallahu aleyhi və səlləm - Səfa da­ğı­na qalxıb: “Düşmən gəlir!”– deyə­ (uca səslə camaatı) çağırmağa başladı. Qu­reyşlilər onun yanına toplanıb soruşdular: “Nə olub sənə?” Dedi: “Əgər mən sizə desəm ki, düşmən səhər və ya axşam bizim üstümüzə hücum edə­cək, mənə inanar­sınızmı?” Onlar: “Əlbəttə, (inanarıq)”– dedilər. Peyğəmbər - sallallahu aleyhi və səlləm - dedi: “(Onda bilin ki,) mən sizi şiddətli əzabla qorxudan bir peyğəmbərəm!” Əbu Ləhəb[1] dedi: “Ölüm olsun sənə! Bizi bura buna görə yığmısan?” Allah da bu (əl-Məsəd surəsini) nazil etdi: “Əbu Ləhəbin əlləri qurusun, qurudu da!”
 
əl-Buxari, 4801.
 

 
Rəvayət edilir ki, İbn Abbas (Allah ondan razı olsun) demişdir: "Uca Allah: “Ən yaxın qohumlarını qorxut!” (əş-Şuəra, 214) ayəsini nazil etdikdən sonra, Pey­ğəm­bər - sallallahu aleyhi və səlləm - Səfa dağına qalxdı və: “Ey Fəhr oğulları! Ey Adiyy oğulları!”- deyərək qohum əqrəbasını ça­ğırdı. Qureyşlilər onun yanına toplandı. İmkan tapıb gələ bil­məyənlərin hər biri öz tərəfindən bir nümayəndə göndərdi ki, ha­disə barəsində ona xəbər versinlər. Beləliklə də, Əbu Ləhəb başda olmaqla Qureyşlilər Peyğəmbərin - sallallahu aleyhi və səlləm - yanına top­landılar. O dedi: “Əgər mən sizə xəbər versəm ki, bu vadidə bir dəstə atlı var və onlar sizə hücum etmək istəyir, mənə inanarsınız­mı?” Onlar dedilər: “Bəli, bu vaxta qədər səndən yalan eşitməmi­şik”. O dedi: “Həqiqətən, mən sizi Allahın şiddətli əzabı ilə qor­xudan bir peyğəmbərəm!” Əbu Ləhəb də ona belə dedi: “Ölüm olsun sənə! Bizi buna görə bura yığmısan?” Uca Allah da bu ayələri nazil etdi: “Əbu Ləhəbin əlləri qurusun, qurudu da! Nə var-dövləti, nə də qazandıqları onu qurtara bilməyəcək” (əl-Məsəd, 1-2)”.
 
əl-Buxari, 4397, 4770.