Şəhvət hissini necə cilovlamaq olar?

Aleykum salam. Bunun çarəsi evlənməkdir. Əgər evlənmək imkanı yoxdursa, əlacı oruc tutmaqdır. İbn Məsud (Allah ondan razı olsun) rəvayət edir ki, Peyğəmbərimiz (Allahın ona və ailəsinə salavatı və salamı olsun) belə demişdir: "Ey cavanlar, kim evlənə bilirsə, evlənsin. Çünki evlənmək, gözü naməhrəmlərə baxmaqdan, ayıb yerlərini isə zinadan qoruyur. Kim evlənə bilmirsə, oruc tutsun. Həqiqətən, oruc tutmaq onun çarəsidir". (əl-Buxari, 5066; Muslim, 1400). Həmçinin, özünüzü göz zinasından (harama baxmaqdan) qoruyun. Çünki şəhvət hisslərinin yaranmasının əsas səbəbi göz zinasıdır.
Şəhvət səbəbilə harama düşməkdən qorunmaq üçün xüsusi bir dua yoxdur. Öz sözlərinizlə Allaha dua edə bilərsiniz ki, sizə tezliklə evlənməyi və haramdan qorunmağı nəsib etsin.