İman gətirməyən bir şəxsə görə ailə üzvləri günah qazanırmı?

Va aleykum Salam. İman gətirməyən şəxsə görə onun ailə üzvləri günah qazanmır. Uca Allah buyurur: "Hər kəsin qazandığı gü­­nah yalnız öz əley­hinədir. Heç bir gü­nahkar baş­qasının güna­hını daşı­maz" (əl-Ənam, 164). Həmçinin buyurur: “Hər kəs qazandığının gi­rovudur” (ət-Tur, 21). Yəni hər kəs qazandığı günahın girovudur. Başqa bir ayədə buyurur: "Kim doğru yolla getsə, xeyri onun özünə olar, kim azğınlığa düşsə, ziyanı da onun öz əleyhinə olar. Heç bir günahkar başqasının günahını daşımaz...". (əl-İsra, 15).

Əbu Ramsə (Allah ondan razı olsun) nəql edir ki, bir dəfə oğlumla birlikdə Peyğəmbərimizin (salləllahu aleyhi və səlləm) yanına gəldim və Allah Rəsulu məndən: "Bu sənin oğlundur? – deyə soruşdu. Mən də: Bəli, Ey Allahın Rəsulu, mənim oğlumdur. Oğlum olduğuna da șəhadət edirəm, – deyə cavab verdim. Peyğəmbərimiz: " Bil ki, nə sən oğlunun etdiyi günaha görə qınanacaqsan, nə də oğlun sənin xətalarına görə qınanacaq" - dedi..." (Əbu Davud, 2/575; Musnəd İmam Əhməd, 2/226). 

Lakin ailə üzvllərinin üzərinə hətta qəbul etməsə belə, onu gözəl şəkildə dəvət etmək düşür. Həmçinin oxuyun: İslama dəvət necə olmalıdır?