Uşaqlar günahsız olduqları halda nə üçün ölürlər?

Və aleykum Salam. Əvvəla bunu qeyd edək ki, yaşadığımız dünya imtahan dünyasıdır və Uca Allah bizi imtahan etmək üçün yaradıb. Yaşadığımız dünya keçici həyatdır, müvəqqətidir və hər bir canlı gec-tez ölümü dadacaqdır. Uca Allah buyurur: "Əməl baxımından hansı­nızın daha yaxşı olduğunuzu sı­na­maq üçün ölümü və hə­ya­tı yaradan Odur. O, Qüdrət­li­dir, Ba­ğış­la­yan­dır" (əl-Mulk, 2). Ölüm bizə ağır gəlsə də, əslində bir həyatdan digərinə keçiddir. Uca Allah buyurur: "Hər kəs ölümü dada­caq­. Biz sizi sınamaq üçün şər və xe­yir­lə imta­ha­na çəkirik. Siz ancaq Bizə qaytarılacaq­sı­nız!" (əl-Ənbiya, 35). Bu dünyaya gələn hər bir insanın müəyyən bir əcəli vardır və bu əcəl gəldikdə nə bir saniyə gecikər, nə də tezləşər. Uca Allah buyurur: "Hər ümmətin bir əcəli var­dır. On­ların əcəli gəldiyi za­man bir­cə saat belə nə yuba­nar, nə də qabağa keçə bi­lərlər" (əl-Əraf, 34). 

Digər tərəfdən diqqət etsək günahsız uşaqların və insanların həyatlarını itirdikləri müharibələr və xəstəliklər biz insanların etdikləri əməlləridir. Halbuki Uca Allah bizi bu əməllərdən çəkindirmişdir. Uca Allah buyurur: "İnsanların öz əlləri ilə et­diyi əməllərinin nəticəsi ola­raq qu­ru­da və də­nizdə fə­sad törə­yir ki, Allah onlara, etdik­lə­ri­nin bir qis­mi­ni daddırsın. Bəl­kə, onlar haqqa qayıdalar" (ər-Rum, 41). İnsanların etdikləri günahlara görə Uca Allah bəlalar göndərir. Bəla gəldikdə isə bütün insanları bürüyər. Uca Allah buyurur: "Elə bir bəladan qorxun ki, o, siz­lərdən təkcə zalım olan­lara üz verməz (hamınızı bürü­yər). Bilin ki, Allah şid­dətli cəza ve­rən­dir" (əl-Ənfal, 25). Peyğəmbər (ona və ailəsinə Allahın salavatı və salamı olsun) belə buyurmuşdur: "Ümmətim arasında günah işlər artdığı zaman Allah onların hamısına Öz tərəfindən əzab göndərər”. Mən dedim: “Ey Allahın Elçisi! Məgər o gün onların arasında əməlisaleh insanlar olmayacaqmı?” Peyğəmbər dedi: “Əlbəttə ki, olacaq”. Mən dedim: “Bəs onların aqibəti necə olacaq?” Peyğəmbər dedi: “Hamıya gələn əzab onları da bürüyəcək. Sonra əməlisaleh insanlar Allahın mərhəmətinə və rizasına qovuşacaqlar” (Əhməd (6/304). Həmçinin oxuyun:

Allah bizi niyə yaradıb, dünyada pislik olmasa olmazdımı?

Əqli qüsurlu insanlar Qiyamət günü imtahan olunacaqlarmı?

İnsanların çoxu Cəhənnəmə gedəcəksə, Allah onları niyə yaradıb?