Hədisi rəvayət edən ravinin mötəbər və ya zəif olması barədə ixtilafın səbəbi nədir?

15.08.2024

Kimdən:

Murad

Sual:

Salam Aleykum. Mən bilmək istəyirdimki, bir hədisin sənədində olan ravilər barəsində yazılan kitablarki var, o kitablarda bu ravilər barədə məlumat verilən zaman, necə bir məlumat verilib? Qısa yəni bir neçə cümləlik məlumat, yoxsa uzun bir məlumat? Çükü o məlumatları oxuyan bir alim ravini siqa görür digəri isə siqa görmür. Bu necə dəyərləndiriıir alimlər tərəfindən?

Cavab:

Və aleykum Salam. Əvvəla bunu qeyd edək ki, hədisləri rəvayət edən ravilər barədə kitablar müxtəlifdir. Bəzi alimlər ravi barədə geniş məlumat verir, bəziləri isə qısa məlumat verir. Alimlərin hər hansı bir ravi barədə fikir ayrılığında olması başqa səbəblərdən qaynaqlanır. Alimlərin hər hansı bir ravi barədə rəyləri onların şəxsi ictihadlarından və ravi barədə onlara çatan məlumatlardan asılı olur. İmam əl-Munziri (Allah ona rəhmət etsin) alimlərin bu ixtilafı barədə belə deyir: "Hədis alimlərinin ravi barədə ixtilafı fiqh alimlərinin hər hansı bir fiqhi məsələdə ixtilafı kimi, onların ictihadına qayıdır. Məsələn, əgər hakimin yanında bir insan barədə mənfi fikir söylənərsə, hakim ictihad edərək bu şahidliyin həmin insan barədə hökm verməyə kifayət edib-etməməsinə qərar verəcək. Hədis alimləri də belədir. Bir hədis barədə hökm vermək istədikdə hədisi rəvayət edən ravi barədə ona nəql olunan məlumatın hədisin səhihliyinə təsir edib-etməyəcəyi barədə ictihad edir".

Paylaş: