Bilik pul qarşılığında öyrədilə bilərmi?
Və aleykum Salam. Faydalı elmi pulla öyrətmək icazəlidir. Fərq etməz, istər bu elm dini olsun, istər dünyəvi. Hətta Quran elmini belə pulla öyrətmək icazəlidir. Peyğəmbərimiz (Allahın ona və ailəsinə salavatı və salamı olsun) demişdir: "Şübhəsiz, qarşılıq almağa ən layiq olan Allahın Kitabıdır" (əl-Buxari, 5737).
Sualın ikinci hissəsinə gəlincə, sözsüz ki, insan ya xeyirli və Allahın razılığını qazandıran sözlər danışmalı, əks təqdirdə susmalıdır. Allah Elçisi (Allahın ona və ailəsinə salavatı və salamı olsun) demişdir: "Allaha və Axirət gününə iman gətirən kəs, ya xeyirli bir söz söyləsin, ya da sussun!" (Səhih əl-Buxari, 7/184; Səhih Muslim, 1/684; ət-Tirmizi 9/239; İbn Məcəh, 3972).
Səhl ibn Sə'd Peyğəmbərin belə buyurduğunu rəvayət etmişdir: "Kim mənə iki çənəsi arasındakını və iki budu arasındakını qoruyacağına zəmanət verərsə (burada dili və cinsiyyət orqanını günaha batmaqdan qorumaq nəzərdə tutulur), mən də onun Cənnətə (girəcəyinə) zəmanət verərəm". (əl-Buxari, 7/184/ №: 6474). Həmçinin demişdir: "Həqiqətən, adam Allahı razı salan, özünün də fərqinə varmadığı elə bir söz danışa bilər ki, Allah onun sayəsində həmin adamı dərəcələrə yüksəldər. Həmçinin, adam Allahın qəzəbinə səbəb olan, özünün də fərqinə varmadığı elə bir söz danışa bilər ki, Allah buna görə həmin adamı Cəhənnəmə giriftar edər". (Səhih əl-Buxari, 6478). Bir dəfə Peyğəmbərdən (Allahın ona və ailəsinə salavatı və salamı olsun) soruşdular: "İnsanları ən çox Cənnətə salan nədir?" - Peyğəmbər "Allah qorxusu və həyadır" - deyə cavab verdi. "Bəs Cəhənnəmə salan şey nədir? - deyə soruşduqda, "Dili və övrət yeridir!" - deyə buyurdu". (ət-Tirmizi, 4/363).