"Allahummə inni ətəbərrəu min hauli və quvvəti və əltəjiu ilə haulikə və quvvətik..." duası doğrudurmu?

Və aleykum Salam. Sualda qeyd etdiyiniz duanın Peyğəmbərə (ona və ailəsinə Allahın salavatı və salamı olsun) nisbət olunduğunu göstərən bir dəlilə rast gəlmədik. Lakin bu dua məna baxımından doğrudur. Bəzi alimlər bu duanın mənasının doğruluğuna Bəra ibn Azibdən (Allah ondan razı olsun) gələn bu hədisin şahidlik etdiyini bildirmişlər: Peyğəmbər (ona və ailəsinə Allahın salavatı və salamı olsun) yatağına uzanıb yatmaq istədikdə sağ böyrü üstə çevrilib deyərdi: "Allahummə, əsləmtu nəfsi iley­kə və vəccəhtu vachi iley­kə və fəv­vədtu əmri ileykə və əlcətu zahri ileykə, rağbətən və rahmə­tən ileyk. Lə məlcə vələ məncəə minkə illə ileyk. Amən­tu biki­tabikəl-ləzi ənzəltə və bi­nəbiy­yikəl-ləzi ərsəlt. (Allahım! Sənə ümid edə­rək və Sən­dən qorxaraq canımı Sənə təslim etdim, üzümü Sənə çevirdim, işi­mi Sənə hə­valə etdim, kü­rəyimi Sənə etibar etdim. Sığınacaq və Səndən (əza­bın­dan) xilas olmaq üçün nicat yeri yalnız Sənə yö­nəlmək­dir. Sənin nazil et­di­yin Kitaba və göndər­di­yin Pey­ğəmbərə iman gətirdim!)" (əl-Buxari, 6315).​​​​​​​