Heyvanlar oruc tuturlarmı?

Aleykum salam. Xeyir, heyvanlar hətta ac qalsalar belə, onlar oruc tutmurlar. Heyvanların şüuru olmadığı üçün onlara ibadət etmək də vacib buyurulmayıb. İbadət yalnız insanlara və cinlərə fərz buyurulub: "Mən cinləri və insanları yalnız Mənə ibadət etmək üçün yaratdım!" (əz-Zariyat, 56)
Amma buna baxmayaraq kainatda olan bütün varlıqlar Allah şənini Uca tutaraq Onu zikr edir: "Məgər göylərdə və yerdə olanların, həm də qanad açıb uçan quşların Allaha təriflər dediklərini görmürsənmi? Hər biri öz duasını və həmd-sənasını bilir. Allah onların nə etdiklərini bilir." (ən-Nur, 41)