Qadın ailə quracağı şəxsdən keçmişdə yol verdiyi səhvləri gizlədə bilərmi?

Salam. Bir nəfər qız 20 yaşlarında anasının təkidi ilə ailə qurmaq məqsədilə görüşə gedib və görüşdə oğlan bunu öpüb. Həm də bu hal 3 dəfə baş verib. Qız hal-hazırda peşmandır. İndi onunla bir nəfər ailə qurmaq istəyir, lakin keçmişdə etdiyi səhvlərə görə illərlə əzab çəkib özünə zülm edən, o illərdən bəri heç kimlə görüşməyən bu xanım vicdan əzabı içərisindədir. Olub-bitənləri evlənəcəyi insana danışmaq istəyir, amma düzü biz razı deyilik, o özü də tərəddüd içərisindədir düzü, çünki heç kim ailə quracağı bir insanın yanında xar və biabır olmaq istəməz. İndi biz sizdən dini nöqteyi-nəzərdən məsləhət almaq istəyirik. Allah xatirinə islami cəhətdən bizə doğru olan yolu göstərin.