Müsəlman ən çox valideynlərini, yoxsa peyğəmbəri sevməlidir?

28.04.2015

Kimdən:

Yegane

Sual:

salam.men bir nefer taniyiram ona sual verdim ki secim qarsisinda qalsan ananani secersen yoxsa peygemberi.o ise dediki anami secerem ve anami peygemberden cox istiyirem.mense dedimki men peygemberi secerem.sizce insan secim qarsisinda qalsa kimi secmelidir

Cavab:

Aleykum salam. Peyğəmbərimiz (Allahın ona və ailəsinə salavatı və salamı olsun) buyurmuşdur: "Sizdən hər kim məni uşağından, anasından, atasından və bütün insanlardan çox sevmədikcə (həqiqi) iman etmiş olmaz". (əl-Buxari: "İman", 8; Muslim: "İman", 70).
"Üç şey kimdə olarsa, o şəxs imanı dadmışdır: Allahı və Rəsulunu hər şeydən çox sevmək; sevdiyini yalnız və yalnız Allah üçün sevmək; iman etdikdən sonra yenidən küfrə dönməyi atəşə atılırmış kimi pis görmək". (əl-Buxari: "İman", 14)
Bir gün Ömər (Allah ondan razı olsun): "Ya Rəsulallah, nəfsim (özüm) xaric, səni hər şeydən çox sevirəm" dedikdə, Rəsulullah (salləllahu aleyhi və səlləm) ona: "Ey Ömər! Nəfsindən də çox sevməlisən" deyə cavab verdi. Ömər heç tərəddüd etmədən: "Canımdan da çox sevirəm" deyincə: "İndi oldu, ey Ömər", - deyə buyurdu". (əl-Buxari: "Əymən", 3).
Uca Allah Qurani Kərimdə Peyğəmbərə (salləllahu aleyhi və səlləm) əmr etmişdir: "De: "Əgər siz Allahı sevirsinizsə, mənim ardımca gəlin ki, Allah da sizi sevsin və günahlarınızı bağışlasın. Allah Bağışlayandır, Rəhmlidir". (Ali İmran, 31).

Paylaş: