Qadının hicabı açıq olarkən bilmədən naməhrəm görərsə, günah olurmu?

Va aleykumus-Sələm. Əgər hicablı qızın otağına qəflətən naməhrəm kişi daxil olarsa və qızın hicabı başında olmazsa, qıza günah sayılmır. Çünki, qızın bundan xəbəri olmayıb. Lakin, səhlənkarlıq edib, məsələn, bina evində balkona hicabsız çıxıb paltarını sərəkən naməhrəm kişilərin onu görməsi, əlbəttə ki, qadına günahdır. Uca Allah buyurur: "Mömin qadınlara da de ki, harama baxmayıb gözlərini aşağı diksinlər və cinsiyyət üzvlərini zinadan qorusunlar. Qoy onlar – görünənlər istisna olmaqla, zinətlərini naməhrəmə göstərməsinlər...". (ən-Nur, 31). Həmçinin, oxuyun: Bilmədən səhv bir əməli etmək günahdırmı?