Başdan-ayağa qara geyinənlərə niyə Vəhhabi deyirlər?

Aleykum salam. İnsanın tutduğu yol onun geyimi və ya xarici görkəmiylə ölçülmür. Əqidə sadəcə daxildən gələn, Uca Allaha olan saf və səmimi bir inanc hissidir. Düzgün yol Allah Rəsulunun (Allahın ona və ailəsinə salavatı və salamı olsun) yoludur. Kimlər ki, bu yolun davamçılarıdır, haqq üzərində olan da onlardır. Uca Allah buyrur: "(Ya Rəsulum!) De: "Əgər siz Allahı sevirsinizsə, mənim ardımca gəlin ki, Allah da sizi sevsin və günahlarınızı bağışlasın. Allah bağışlayandır, mərhəmətlidir!" (Ali İmran, 31).
O ki, qaldı qara rəngli paltara, müsəlman qadının sırf bu görkəmdə olması vacib deyil. Əsas odur ki, dar, şəffaf, cəlbedici, cazibədar, diqqət çəkəcək görkəmdə olmasın. Sadəcə, Peyğəmbərimizin (Allahın ona və ailəsinə salavatı və salamı olsun) zövcələri (Allah onlardan razı olsun) qara geyindikləri üçün həmin qadınlar da onlara bənzəməyə çalışırlar. Saqqal isə Allah Rəsulunun (salləllahu aleyhi və səlləm) əshabələrinə (Allah onlardan razı olsun) buyurduğu tövsiyələrindən biridir. Həmçinin oxuyun: Vəhhabi kimlərdir?