Heyvanları öldürüb ətlərini yemək mərhəmətsizlik deyilmi?

    28.04.2016
Kimdən: 
Əli
Sual: 
Salam aleykum. Biz heyvanlara qarşı mərhəmətsiz deyilikmi? Onlar da bizim kimi görüllər, qaçıllar, hərəkət edllər. Heyvanları öldürməsək olmazmı? Axı onlar acizdirlər. Allah deməyib mi ki yerdəkilərə mərhəmət etsəz sizə də mərhəmət olunar? Biz niyə belə vəhşi kimiyik? Bizə Allah ağıl verib axı. Niyə Allah öz yaratdığlarının ətini başqa yaradılışa icazəli bilib? Biz axı onları öldürürük. Məs: kabab yeyir bir qadın, və tvdən göstərillər ki balaca qoyun balasını döyərək öldürüllər. O özü qoyun ətini yeyir amma öldürülənə yazıqı gəlir. Və ətdə bizim mədəmizə ziyanlı olan komponentlər var. Həmçinin süddə, pendirdə. Heyvanlardan gələn yeməsi halal olan şeylərdə qarnımıza ziyan olan.şeylər var.
Cavab: 

Və aleykum Salam. Bilmək lazımdır ki, yer üzərində olan ev heyvanlarını Uca Allah insanların istifadəsi üçün yaratmışdır. Həmçinin, heyvan ətində insan bədəninin sağlam olması üçün vacib olan elementlər var. Uca Allah buyurur: "Məgər onlar görmürlər ki, Biz onlardan ötrü sahib olduqları mal-qaranı Öz əllərimizlə yaratmışıq? Yaratdıqlarımızı öz istifadələrinə verdik ki, bəzilərindən minik kimi yararlansınlar və bəzilərini də yesinlər. Bunlarda onlar üçün başqa mənfəətlər və içiləcək süd də vardır. Yenə də şükür etməyəcəklərmi?" (Yasin, 71-73). 
Bir nəfər Pey­­ğəmbərə (Allahın ona və ailəsinə salavatı və salamı olsun) dedi: "Ya Rəsulullah, mən qoç kəsdikdə, ona ya­zı­ğım gəlir" (yaxud: "qoçu kəsməyə əlim gəlmir)". Pey­ğəm­bər (Allahın ona və ailəsinə salavatı və salamı olsun) iki dəfə təkrar bu­yurdu: "Sən qoça rəhm etsən, Allah da sənə rəhm edər". (İmam Əhməd, 3/436). Digər rəvayətdə belə deyilir: "Bir nəfər (kəsəcəyi) qoçu yerə uzadıb onun gözü önündə bıçağını itiləyərkən, Rəsulullah (ona Allahın salavatı və salamı olsun) ona dedi: "Sən bu qoçu iki kərə öldürmək istə­yirsən?! Bıçağını qabaqcadan itiləyə bilməzdin?!" (ət-Tabərani, 3/140, 1) .
Həmçinin, Peyğəmbər (Allahın ona və ailəsinə salavatı və salamı olsun) demişdir: "Kim bir qurbanlıq heyvanına rəhm etsə, Qiyamət gü­nü Allah ona rəhm edər". (əl-Buxari "Ədəbul-Mufrad", 381).
Sizin dediyiniz fikirlər isə düz deyil. Belə ki, ev heyvanlarının ətini yeməyi Öz elçisi vasitəsilə Uca Allah icazə verib.

Teqlər: 
şübhələr
Paylaş: