Fatihə və İxlas surələrinin digər adları hansılardır?

Va aleykum Salam.

1) Fatihə surəsinin adları:

1. əs-Salatu (Namaz). Peyğəmbərin (salləllahu aleyhi və səlləm) demişdir: "Uca Allah buyurur: "Mən namazı Özümlə bəndəm arasında tən yarıya böldüm. Yarısı Mənim, yarısı isə qulumundur, quluma dilədiyi veriləcək". Qul: "Həmd olsun aləmlərin Rəbbi Allaha!" - dedikdə, Allah: "Qulum Mənə həmd-səna etdi, quluma dilədiyi veriləcək" - deyir...". (Muslim, 395) qüdsi hədisinə əsasən...

2. Siratul-Həmd (Həmd surəsi) Ayənin əvvəli həmd ilə başladığına görə... Uca Allah buyurur: "Həmd olsun aləmlərin Rəbbi Allaha". (əl-Fətihə, 1).

3. Fatihətul-Kitab (Kitabı Açan). Fatihə Quranın həm ön sözü, həm də xülasəsidir. "Özünü açan" və ya "Başqa bir şeyi açan" mənasına gələn adını Rəsulullahın (salləllahu aleyhi və səlləm) "Fatihətul-Kitab" (Kitabın Girişi) tərifindən alır. (əl-Buxari "Təfsir", 1).

4. Ummul-Kitab (Kitabın Anası). Alimlərin əksəriyyəti bu adı bu surə üçün icazəli görüblər.

5. Ummul-Quran (Quranın Anası). Alimlərin çoxu bu adı bu surə üçün icazəli görüblər.

6. əl-Məsani (Təkrarlanan). Namazda hər rükətdə təkrarlandığına görə... Uca Allah buyurur: "Biz sənə təkrarlanan yeddi ayəni və əzəmətli Quranı verdik". (əl-Hicr, 87).

7. əl-Qurənul-Azim (Əzəmətli Quran).

8. əş-Şifa (Şəfa). Rəsulullah (salləllahu aleyhi və səlləm) demişdir: "Fatihətul-Kitab - hər zəhərə qarşı bir şəfadir". (əd-Darimi "Fədailul-Qur'an" 12).

9. ər-Ruq'yə (mənəvi müalicə).

10. əl-Əsas (Quranın Əsası).

11. əl-Vafiyə (tam, bölünməz).

12. əl-Kafiyə (qənaətbəxş, başqasının yerinə kifayət olan). Peyğəmbər (salləllahu aleyhi və səlləm) buyurmuşdur: "Ummul-Qur'ən başqasının (namazda başqa surənin) yerini tutar, fəqət başqası onun yerin tutmaz". (əd-Dəraqutni, 1/322; əl-Hakim,  1/238).

(Mənbə: İmam əl-Qurtubi: "Təfsirul-Qur'an" və "əl-Camiu li Əhkamil-Qur'an" kitabı, Fatihə surəsinin təfsiri). Həmçinin oxuyun:

2) Bu surənin ən məşhur adı "əl-İxlas"dır. Çünki əgər bəndə bu surəni oxuyub məzmununa əməl edərsə, bununla şirkdən xilas olmuş olar, lakin bu surənin bəzi dini mənbələrdə "ət-tovhid, ət-təfrid, ət-təcrid, əl-mə'rifə, əl-cəmal, əl-iman, ən-nəcatu, əl-vəlayətu, ən-nisbətu, əl-maniətu, əl-munfiratu, əl-bəraətu, ən-nuur, əl-məhdar, əl-muqaşqişətu, əl-muavvizə, əl-muzəkkira, əs-saməd, əl-əman" kimi adları da qeyd olunmuşdur. Ancaq sünnədə gələn adı "Qul huvallahu Əhəd"dir, çünki Peyğəmbər (salləllahu aleyhi və səlləm) demişdir: "Qul huvallahu Əhəd (yəni, İxlas surəsi) Quranın üçdə birinə bərabərdır". (əl-Buxari, "Fədailul-Qur'an, 13).
Həmçinin oxuyun: Quranın üçdə birinə bərabər olan surə (əl-İxlas surəsi)