Qibləni səhv təyin etdiyimə görə günah qazanırammı?

Va aleykum Salam. Çalışın qibləni ancaq kompasla deyil, yaxınlıqda olan məscidin istiqaməti ilə təyin edəsiniz. Bu da mümkün olmasa, Bakıda yaşayırsınızsa təqribən saat 13:30 radələrində günəş düz qiblənin istiqamətində olur. Bu üsulla qibləni təyin edə bilərsiniz. Həmçinin, qibləni səhv təyin etdiyinizə görə üzülməyin. Dinimizə görə bilmədən və ya unudaraq xəta etmək üzürlü sayılır: "Səhvən etdiyiniz əməllərdə sizə heç bir günah yoxdur. Lakin qəlbinizin qəsdlə etdiyi işlərdən ötrü (sizə günah var). Allah Bağışlayandır, Rəhmlidir". (əl-Əhzab, 5).
Həmçinin, Peyğəmbərimiz (salləllahu aleyhi və səlləm) belə buyurub: "Uca Allah ümmətim üçün səhvən (bilmədən), unudaraq və məcburiyyət qarşısında edilənləri bağışlamışdır". (İbn Məcəh, 2043). Həmçinin oxuyun: Qibləni necə təyin etmək olar?