Qibləyə tərəf qılınmayan namaz haqda - əl-Bəqərə surəsi 115 - ci ayə

    13.08.2018
وَلِلَّهِ الْمَشْرِقُ وَالْمَغْرِبُ فَأَيْنَمَا تُوَلُّوا فَثَمَّ وَجْهُ اللَّهِ إِنَّ اللَّهَ وَاسِعٌ عَلِيمٌ

 
“Məşriq də, məğrib də Allahındır! Hansı səmtə yönəlsəniz, Allahın Üzü orada olar. Həqiqətən, Allah hər şeyi Əhatəedəndir, Biləndir”
 

عَنِ ابْنِ عُمَرَ قَالَ كَانَ رَسُولُ اللَّهِ -صلى الله عليه وسلم- يُصَلِّى وَهُوَ مُقْبِلٌ مِنْ مَكَّةَ إِلَى الْمَدِينَةِ عَلَى رَاحِلَتِهِ حَيْثُ كَانَ وَجْهُهُ - قَالَ - وَفِيهِ نَزَلَتْ {فَأَيْنَمَا تُوَلُّوا فَثَمَّ وَجْهُ اللَّهِ}

 
İbn Ömər (Allah ondan razı olsun) rəvayət edir ki, Peyğəmbər - salləllahu aleyhi və səlləm - Məkkədən Mədinəyə gedərkən minik üzərində getdiyi istiqamətə tərəf üz tutaraq namaz qıldı və bu vaxt bu ayə nazil odlu: “Məşriq də, məğrib də Allahındır! Hansı səmtə yönəlsəniz, Allahın Üzü orada olar”.  (əl-Bəqərə, 115)”.
 
Muslim, 700, 1131, 1646; ən-Nəsai, 491, 495; Əhməd, 2/ 20; İbn Cərir ət-Tabəri “Təfsir” 1/ 503. Şeyx Muqbil səhih olduğunu bildirmişdir.

 
عَنْ عَبْدِ اللهِ بْنِ عَامِرِ بْنِ رَبِيعَةَ ، عَنْ أَبِيهِ قَالَ : كُنَّا مَعَ النَّبِيِّ صَلَّى اللَّهُ عَلَيْهِ وَسَلَّمَ فِي سَفَرٍ فِي لَيْلَةٍ مُظْلِمَةٍ ، فَلَمْ نَدْرِ أَيْنَ القِبْلَةُ ، فَصَلَّى كُلُّ رَجُلٍ مِنَّا عَلَى حِيَالِهِ ، فَلَمَّا أَصْبَحْنَا ذَكَرْنَا ذَلِكَ لِلنَّبِيِّ صَلَّى اللَّهُ عَلَيْهِ وَسَلَّمَ ، فَنَزَلَ : {فَأَيْنَمَا تُوَلُّوا فَثَمَّ وَجْهُ اللَّهِ}.

 
Abdullah ibn Amir ibn Rabia atasının belə dediyini rəvayət etmişdir: “Zülmət bir gecədə Peyğəmbərlə - salləllahu aleyhi və səlləm - birlikdə səfərdə idik. Qiblənin harada olduğunu müəyyən edə bilmədik. Hər kəs istədiyi tərəfə yönələrək namaz qıldı. Səhər açıldıqda biz bu haqda Peyğəmbərə - salləllahu aleyhi və səlləm – xəbər verdik və bu ayə nazil oldu: “Hansı səmtə yönəlsəniz, Allahın Üzü orada olar...” (əl-Bəqərə, 115)”.
 
ət-Tirmizi, 345, 2957; İbn Məcəh, 1020; ət-Tayəlisi, 1145; əd-Dəraqutni, 1/272; İbn Əbu Hatim “Təfsir” 1/112, 1120). əl-Albani həsən olduğunu bildirmişdir.