Kürsü ayəsi haqqında əl-Bəqərə surəsi 255 - ci ayə

    21.08.2018
اللَّهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ
 

“Allah, Ondan başqa ibadətə layiq olan məbud yoxdur, əbədi Yaşayandır, bütün yaratdıqlarının Qəyyumudur. Onu nə mürgü, nə də yuxu tutar. Göylərdə və yerdə nə varsa, Ona məxsusdur. Onun izni olmadan Onun yanında kim havadarlıq edə bilər? O, məxluqatın gələcəyini və keçmişini bilir. Onlar Onun elmindən, Onun istədiyindən başqa heç bir şey qavraya bilməzlər. Onun Kürsüsü göyləri və yeri əhatə edir. Bunları qoruyub saxlamaq Ona ağır gəlmir. O, Ucadır, Uludur”

 
عن ابن عباس : ان بنى اسرائيل قالوا : يا موسى هل ينام ربك ؟ قال : اتقوا الله . فناداه ربه . يا موسى سالوك هل ينام ربك ، فخذ رجاجتين بيديك ، فقم الليل ففعل موسى فلما ذهب من الليل ثلث ، نعس ، فوقع لركبته ، ثم انتعش ، فضبطهما حتى إذا كان اخر الليل ، نعس ؛ فسقطت الزجاجتان فانكسرتا فقال : يا موسى : لو كنت انام . لسقطت السماوات والأرض ؛ فهلكن كما هلكت الزجاجتان بيديك ، فأنزل الله على نبيه  ( صلى الله عليه وسلم )  آية الكرسي
 

Rəvayət edilir ki, İbn Abbas (Allah ondan razı olsun) demişdir: “(Bir dəfə) İsrail övladları dedilər: “Ey Musa, Rəbbin yatırmı?” O dedi: “Allahdan qorxun!” Rəbbi də ona dedi: “Ey Musa, səndən “Rəbbin yatırmı?”- deyə soruşurlar. Onda sən iki şüşə qab əllərinə götür və gecə ayaq üstə dur”. Musa da ona deyiləni etdi. Gecənin üçdə biri keçdikdə o, yuxuya gedib dizləri üstünə yıxıldı, sonra yuxudan oyanıb əlindəkiləri düzəltdi. Nəhayət, gecənin axırı yuxuya getdi və şüşə qablar yerə düşüb qırıldı. Allah buyurdu: “Ey Musa, əgər Mən yatsaydım, göylər və yer dağılıb əllərindəki şüşə qablar kimi məhv olardı”. Bu səbəblə Allah öz Peyğəmbərinə – salləllahu aleyhi və səlləm - Kürsü ayəsini nazil etdi”.
 
İbn Əbu Hatim “Təfsir” 2580; İbn Kəsir, 1/679; əd-Diya əl-Məqdisi “Əhədisil-Muxtəra” 111; əs-Suyuti “əd-Durrul-Mənsur” 2/15. Ali Nasr və əl-Hilali şahidləri birlikdə isnadının həsən olduğunu bildirmişlər.