Allahın iki adama təəccüblənməsi

İbn Məsud (Allah ondan razı olsun) rəvayət edir ki, Peyğəmbər - salləllahu aleyhi və səlləm - belə de­miş­dir: “Uca Rəbbimiz iki kişiyə təəccüblənir. Biri o kişidir ki, yatağından qalxıb ailəsini tərk edərək namaza durur. Rəbbimiz buyurur: “Ey mələk­lə­rim, Mənim quluma baxın! O, yatağından qalxıb ailəsini tərk edir və dərga­hımda olan (mükafata) can ata­raq, dərgahımda olan (əzabdan) qorxaraq namaza durur”. Həm­çinin, o kişi ki, Uca Allahın yolunda döyüşə gedir və (döyüş yoldaşları) darmadağın edildiyi halda, döyüşdən qaçma­ğın ha­ram olduğunu və döyüşə qayıtmağın onun xeyrinə olduğunu bilə­rək, qayıdıb Uca Allahın dərgahında olana can ataraq və Onun dərga­hında olandan qorxaraq son damla qanı tökülənə qədər döyüşür. Uca Allah mələklərinə buyurur: “Mənim quluma baxın! O, dərgahımda olan (mükafa­ta) can ata­raq və dərgahımda olan (əzab­dan) qorxaraq qayıtdı və son damla qanı tökülənə qədər döyüşdü”.[1]