Aldandığıma görə verdiyim borcu təyin olunmuş vaxtdan əvvəl geri ala bilərəmmi?

    06.12.2018
Sual: 
Salam Aleykum 1)hedislerde var ki 3 qız böyüdüb namusla ere veren bu qızlarına göre cennete geder Saleh evladı şefaet ede biler. Hemçinin mal mülkü sedeqe etsem fayda verecek,ama Qiyamet günü ne mal dövlet ne de evlad fayda vermez deyilir, bu qarışıq fikirlerime cavab tapa bilmirem. 2)Birdeki,bir qohum xesteliyine yeni tecili emeliyyatına göre mennen böyüg mebleğde borc alıb, men xaricde yaşayırama göre meni aldadıb, sonra mene dediler ki, onun emeliyyatlıq xesteliyi yoxdu, araşdırannan sonrada emin oldum ki, heqiqetende meni aldadıb, o meni tecili emeliyyat adıyla aldatmasaydı men ona borc vermeyeceydim, indi ise menim haqqım yoxdumu ki, borca teyin etdiyim vaxdı pozum? axı o meni aldadıb.
Cavab: 

Və aleykum Salam. 
1. Uca Allah buyurur: "O gün ki, nə var-dövlət, nə də oğul-uşaq bir fayda verməyəcək. Ancaq sağlam bir qəlblə Allahın hüzuruna gələnlərdən başqa!" (əş-Şuəra, 88-103).
Qiyamət günü insana iman və xeyirxah əməllərdən başqa heç bir şey fayda verməyəcək. İnsan var-dövləti Allahın buyurduğu şəkildə xərclədiyinə və ailəsinə baxdığına görə savab əldə edəcək. Var-dövlət və ailə neməti öz-özlüyündə deyil, yalnız əməl baxımından ona fayda verəcək. Qiyamət günü insan canı hayında olacaq və dünyada olan qohumluq, dostluq və digər bütün əlaqələr kəsiləcək. İnsana nə atası, qardaşı, nə də övladları yardım etmək iqtidarında olacaq. Həmçinin, insanın dünyadakı nüfuzu, var-dövləti onu cəhənnəm əzabından xilas edə bilməyəcək. Həmçinin oxuyun:
Üç qızı olan Cənnətə girəcəkmi?
Övlad vəfat etmiş valideyninə nə yaxşılıq edə bilər? 
2. İnsan verdiyi sözə və bağladığı əhdə sadiq olmalıdır. Uca Allah buyurur: "Əhdə vəfa edin! Çünki (hər kəs) əhd barəsində sorğu-sual olunacaqdır". (əl-İsra, 34).
Ancaq insan nəyisə söz verər və ya əhd bağlayar, sonra aldadıldığını bilərsə, əhdini poza bilər. Həmçinin oxuyun:
İslam fiqhi: BORC, BORC VERMƏYİN FƏZİLƏTİ, BORCU VAXTINDA QAYTARMAQ VƏ S.

 

Teqlər: 
axirət
Paylaş: