Oruc pozulmasın deyə dəstəmaz alarkən ağıza su çəkməmək günahdırmı?
Sual:
Salam orucum pozla bilar deyə aqzmi yaxalamiram dəstamaz alanda bunda bir gunah varmi cox saqolun Allah razi olsun
Cavab:
Və aleykum Salam. Dəstəmaz alarkən ağıza və buruna su çəkib qaytarmaq vacibdir. Çünki ağız və burun üzdən hesab edilir. Ona görə də dəstəmaz alarkən bunu tərk etməklə səhv etmisiniz. Lakin bunun hökmünü bilmədiyinizə görə indiyədək aldığınız dəstəmazlar doğru sayılır və sizə günah yazılmır. Gələcəkdə bu əməli təkrarlamayın. Suyu udmamaq şərtilə ağıza su çəkmək orucu pozmur. Peyğəmbərimiz (ona və ailəsinə Allahın salavatı və salamı olsun) dəstəmaz alarkən heç bir halda bu əməli tərk etməmişdir. Sadəcə: "Oruclu olmadığın vaxtlar burnunu dərindən təmizlə" (Əbu Davud, 142) - deyərək oruc tutanın buruna su alarkən ehtiyatlı olmasını buyurmuşdur. Daha ətraflı: