Namaz qıldığıma görə nənəm məni əsəbləşdirir

    07.04.2014
Sual: 
Salam aleykum. Menim 15 yashim var. Namaz qiliram. Nenemin ise menim namaz qilmagima paxilligi tutur. Men destemaz alanda mene deyir ki, ele bil ki, ölüme hazirlashirsiz? Nenemdi deye heç ne demirem ve her şeyi ve onun kaprizlerini içime atıram. Sonra nenem gelir danishiqlariyla meni yeniden lap esebleshdirir. Mende dozmeyib cavab qaytariram. Sonra nenem mene deyir ki, sen mene cavab qaytardigina gore senin qildigin namaz menim cinagima yazildi. Bu duzdur? Menim qildigim namaz nenemin cinagina yazilir, men ona cavab qaytaranda? Sonra nenem mene heç ozune ve yashina yarashmayan choxlu agzina gelen murdar ve terbiyesiz sozler deyir. Nenem meni namazdan da uzaqlashdirirdi. Amma men heç kime fikir vermeden Allahima ibadet edirem. Bilirsiz nenem kafir kimi bir insandir. Adamı yaman esebleshdirir. Özüde nenem menim anamin anasidir. 60 yaşı var. Men neneme cavab qaytardigima gore mene gunah yazilir? Xahiş edirem ki, bu yazdiqlarimin hamisina etrafli cavab yazasiz. Nenem bizim hamimizi evde esebleshdirir. En chox da meni esebleshdirir. Allah sizden razI olsun. Menim bu sualima cavab yazin.
Cavab: 

Aleykum salam. Nənənizin namaza görə sizinlə pis rəftar etməsi və sizə maneçilik törətməsi özü bir günahdır. Lakin buna baxmayaraq Uca Allah valideynlərlə yaxşı davranmağı buyurmuşdur. Uca Allah Qurani Kərimdə İbrahim peyğəmbərin (Ona Allahın salamı olsun) atası kafir olduğu halda onunla necə yumşaq rəftar etməsi haqda danışaraq belə buyurur: "Kitabda İbrahimi də xatırla! Həqiqətən, o, sadiq insan və peyğəmbər idi. Bir zaman o, atasına demişdi: "Atacan! Nə üçün eşitməyən, görməyən və sənə heç bir faydası olmayan bir şeyə sitayiş edirsən? Atacan! Həqiqətən, sənə gəlməyən bir elm mənə gəlmişdir. Arxamca gəl ki, səni doğru yola yönəldim. Atacan! Şeytana ibadət etmə! Həqiqətən, şeytan Mərhəmətli Allaha çox asi oldu. Atacan! Qorxuram ki, Mərhəmətli Allahdan sənə bir əzab toxunsun və beləcə şeytana yoldaş olasan". Atası dedi: "Sən mənim məbudlarımdan üzmü çevirirsən, ey İbrahim!? Əgər buna son qoymasan, səni mütləq daşqalaq edəcəyəm. Uzun müddət məndən uzaq ol!" İbrahim dedi: "Sənə salam olsun! Mən Rəbbimdən sənin üçün bağışlanma diləyəcəyəm. Həqiqətən, O mənə qarşı çox lütfkardır". (Məryəm, 41-47).
 

Teqlər: 
ailə
namaz
Paylaş: