Nə üçün Uca Allah yalnız İslam dinini qəbul edəcək?

    27.08.2024
Sual: 
Salam aleykum. Zehmet olmasa sualarima cvb vererdinjz 1) bildiyimiz kimi islam haqq dindir ondan evel bir çox dinler olub bunun sebebni bilmek isdiyirem . Ne üçün ilk islam dini olmadı . Bu sualı mene verilər men aydın şekilde izah edə bilmrem. 2) salonda saçım topuz yiğilərkən başqa adamin saçını topuuzn icine qoydular sonrdan bildm. Günah saylirmi.?
Cavab: 

Və aleykum Salam. 

1) "İslam" sözünün mənası "təslim olmaq", "boyun əymək" deməkdir. Muhəmməd peyğəmbərin (ona və ailəsinə Allahın salavatı və salamı olsun) gətirdiyi son dinin adı xüsusi olaraq "İslam" adlansa da, əvvəlki dinlər də məna baxımından İslam dini olmuşlar. Çünki öz dövrünün peyğəmbərinə itaət edib yalnız Allaha ibadət edən hər kəs müsəlman sayılır. İslam dini gəldikdən sonra Uca Allah Qiyamətə qədər insanlardan başqa dini qəbul etməyəcək. Uca Allah buyurur: "Həqiqətən, Allah yanında qəbul olunan din, İslamdır! " (Ali-İmran, 19). Böyük təfsir alimi İbn Kəsir bu ayəni şərh edərək demişdir: "Uca Allah “Həqiqətən, Allah yanında qəbul olunan din İslamdır!” ayəsi ilə bildirir ki, heç kəsdən Onun qatında İslamdan başqa bir din qəbul edilməyəcəkdir. İslam Allahın göndərdiyi peyğəmbərlərin Allahdan gətirdiklərinə hər zaman tabe olmaqdır. Peyğəmbərlərin göndərilməsi Muhəmməd Peyğəmbər (ona və ailəsinə Allahın salavatı və salamı olsun) ilə sona çatmışdır. Beləcə, Muhəmmədin (ona və ailəsinə Allahın salavatı və salamı olsun) yolundan başqa Allaha tə­rəf gedən digər yolların hamısı bağlanmış oldu. Muhəmmədin (ona və ailəsinə Allahın salavatı və salamı olsun) göndərilməsindən sonra kim onun şəriətindən başqa bir din ilə Allahın hüzuruna gələrsə, bu o kəsdən qəbul edilməyəcək. Necə ki başqa bir ayədə Uca Allah buyurur: “İslamdan başqa bir din axtaran şəxsdən, o din heç vaxt qəbul olunmaz və o, axirətdə ziyana uğrayanlardan olar” (“Ali-İmran”, 85). Bu ayədə isə Uca Allah “Həqiqətən, Allah yanında qəbul olunan din İslamdır!” buyuraraq qəbul olunan dinin yalnız İslam olduğunu xəbər verir...". Bu barədə ətraflı oxuyun:


Uca Allah Muhəmməd ümmətini digər ümmətlərdən üstün etmişdir. Peyğəmbər demişdir: "Hər­çənd onlara (yəhudilərə və xristianlara) bizdən əvvəl Kitab verilmişdir, lakin biz (zəmanəyə görə) sonuncular Qiya­mət günü birinci olacağıq. (Axirətdə bu ümmətin hamıdan əvvəl Sirat körpüsündən keçib Cənnətə daxil olacağı qəsd edilir). Onlar özlərinə fərz buyrulmuş bu günləri barə­sində ixtilafa düşdülər. (Allah Kitab əhlinə cümə gününü ehtiramla keçirməyi vacib buyurmuş, onlar isə bu xüsusda fikir ayrılığına düşüb asi olmuşlar). Lakin Allah bizi (bu günü ehtiramla keçir­məyə) mü­vəffəq etdi və bu xüsusda insanlar bizim ardımızca gəldilər, yəhudilər sabahkı günü (şənbə gününü), xris­tianlar isə ondan sonrakı günü (bazar gününü) (təntənə ilə qeyd edirlər)” (əl-Buxari, 876).
2) Saç qoydurmaq qadağandır, lakin bu bilmədən olubsa, buna görə sizə günah yazılmır. Amma gələcəkdə belə şeylərdən çəkinin. Həmçinin oxuyun:
Paylaş: