"əl-Muddəssir" suərsinin 31-ci ayəsinin mənası nədir?

Əssələmu aleykum. Uca Allah "əl-Muddəssir" suərsinin 31-ci ayəsində belə buyurur: "Biz Cəhənnəm gözətçi­lərini yal­nız mələklər­dən etdik və on­la­rın sa­yını on doqquz et­dik ki, bu, kafir­lər üçün ancaq bir sınaq ol­sun, özlə­rinə Kitab verilənlər yəqinlik hasil etsin­lər, iman gə­ti­rən­lə­rin ima­nı art­sın, Kitab ve­rilən­lər və mö­min­lər haqqa şübhə etmə­sin­lər və qəlblərində xəs­təlik olanlar və kafir­lər: “Allah bu mə­səllə nə demək istə­yir?”– desinlər. Allah istədiyi kimsəni belə az­dırır, is­­tədiyini də doğru yola yönəl­dir. Sə­nin Rəbbinin qo­şunları ba­rə­də yal­nız Özü bilir. Bu, bə­şəriyyət üçün ancaq bir xatır­latmadır". 

Böyük təfsir alimi Abdur-Rahmən əs-Səədi (Allah ona rəhmət etsin) bu ayəni təfsir edərək demişdir:

"Uca Allah buyurur: "Biz Cəhənnəm gözətçi­lərini yal­nız mələklər­dən etdik". Bu, onların sərt və qüvvətli olmalarına dəlalət edir. "və on­la­rın sa­yını on doqquz et­dik ki, bu, kafir­lər üçün ancaq bir fitnə (sınaq) ol­sun". Burada "fitnə" deyildikdə kafirlərin Axirətdəki cəzaları və əzabları nəzərdə tutulur, çünki "fitnə" sözü "əzab" mənasını ifadə edir. Uca Allah başqa bir ayədə "fitnə" sözünü "əzab" mənasında işlədərək buyurur: "O gün onlara odda əzab veri­lə­cək" (əz-Zariyat, 13).

Ola bilsin ayədə bu nəzərdə tutulur: "Biz onların sayını yalnız kimin buna inanıb, kimin isə inkar edəcəyini bilmək üçün xəbər verdik". Bu fikri ayənin davamı təsdiqləyir: "özlə­rinə Kitab verilənlər yəqinlik hasil etsin­lər, iman gə­ti­rən­lə­rin ima­nı art­sın". Çünki Kitab əhli, onlara verilənlərlə uyğun olduğunu gördükdə, haqqa yəqinlikləri artar. İman gətirənlərin isə Uca Allah hər ayə nazil etdikcə, ona inanıb təsdiq edərlər və imanları daha da artar. "Kitab ve­rilən­lər və mö­min­lər haqqa şübhə etmə­sin­lər", yəni qəlblərindəki şübhələr aradan qalxsın. Bu olduqca önəmli bir məsələdir. Ağıllı insanlar daim imanın artmasına və şübhələrin aradan qalxmasına çalışarlar və buna can atarlar. Allahın Öz Elçisinə ﷺ nazil etdiyi hər şey bu dəyərli məqsədlərə xidmət edir, yalançıları doğru danışanlardan ayırır. "və qəlblərində xəs­təlik olanlar və kafir­lər", yəni şübhə, şəkk və nifaq olanlar "Allah bu mə­səllə nə demək istə­yir?”– desinlər". Onlar Allahın ayələrini inkar edərək, şəkk və şübhə edərək belə deyərlər. Bu, Allahın hidayəti və azğınlığıdır. 

"Allah istədiyi kimsəni belə az­dırır, is­­tədiyini də doğru yola yönəl­dir". Allah kimi doğru yola yönəldərsə, Öz Elçisinə ﷺ nazil etdiklərini onun üçün bir mərhəmət, dininin və imanının artmasına səbəb edər. Allah kimi azdırarsa, bu nazil olanları onun üçün bir zülmət, çaşqınlıq və əzab edər. Allahın Öz Elçisinə ﷺ verdiyi xəbərləri şübhəsiz qəbul etmək vacibdir, çünki "Sə­nin Rəbbinin qo­şunları ba­rə­də yal­nız Özü bilir". Əgər siz Onun ordularını bilmirsinizsə və O, sizi bu barədə məlumatlandırıbsa, siz şübhəsiz Onun xəbərini təsdiq etməlisiniz. "Bu, bə­şəriyyət üçün ancaq bir xatır­latmadır", yəni bu nəsihət və xatırlatma əyləncə və əbəs yerə deyil, insanlar özlərinə

 faydalı olan şeyləri əməl edib, zərərli şeyləri tərk etsinlər deyə bir xatırlatmadır".