Məscidlərə "Allahın evi" demək olarmı?

Və aleykum Salam. Bəli, məscidlərə "Allahın evi" demək icazəlidir. Bir hədisdə Peyğəmbər (ona və ailəsinə Allahın salavatı və salamı olsun) demişdir: "Məsidlər Allahın yerdəki evləridir. Göyün ulduzları yer əhli üçün işıq saçdığı kimi, məsidlər də göy əhli üçün nur saçır". (ət-Tabərani, 10608; əl-Beyhəqi "Şuəb əl-İmən", 2687). 

Hədisdə məscidlərin "Allahın evi" adlandırılması onalrın şərəfli və Allah qatında hörmətli olduğuna görədir. Necə ki möminlər "Allahın qulları" adlanır, baxmyaraq ki, bütün insanlar Allahın quludur. Həmçinin Qurana şərəfli olduğu üçün "Allahın Kitabı" deyilir. Allaha nisbət olunan digər məxluqlar da belədir. Əgər Quran və ya hədislərdə bir məxluq Allaha nisbət olunursa, bu məxluqun şərəfli olduğuna dəlalət edir. Quranda bir çox ayələrdə məscidlərin Allaha məxsus olduğu bildirilir. Uca Allah buyurur: "Allahın məscidlərini yalnız Allaha və Axirət gününə iman gətirən, namaz qılan, zəkat verən və Allahdan başqa heç kəsdən qorxmayanlar abadlaşdırar" (ət-Tövbə, 18). Həmçinin buyurur: "Şübhəsiz ki, məscidlər Allaha məxsusdur. Elə isə Allahla yanaşı heç kəsə dua etməyin!" (əl-Cinn, 18). Həmçinin oxuyun: