Günahlara düşən bir insanın halını islah etmək üçün bunu başqalarına demək olarmı?

    19.10.2026
Kimdən: 
Gərib
Sual: 
Əs sələm aleykum va rahmatullah.İlk növbədə bizə elmi yardım etdiyiniz üçün ən ali məqam sahibi ALLAH sizi ucaltdığı qullarından etsin əmin.Müəllim bir əxlaq və imanlı olaraq tanədığım qardaş böyük günahlar etməyə başlayıb.Əsəb-sinir xəstəliyi yarandığını iddia edərək içki içdiyini və musiqi dinlədiyini bildirir hətta statusda da paylaşır.Nəsihət etdim xoş şəkildə.Lakin mənə deyir ki,bu halım əmanətdir heçkimə demə.Qorxuram bu minvalla daha da pis günahlara düşə yaxud davamlı belə halda qala.Namazlarını qılmadığını düşünürəm.Qardaşa fayda üçün nəsihət edəcək müsəlmanlara bu halı deməliyəm yoxsa əmanətdir bu hal? ALLAH sizə bərəkət versin əmin.
Cavab: 

Və aleykum Salam va Rahmətullahi va Bərakətuhu. Peyğəmbər ﷺ buyurmuşdur: "Din nəsihətdir". (Muslim, 55). Buna görə əvvəlcə dostunuzla yumşaq şəkildə əlaqəni davam etdirin və onu tövbəyə, namaza və halal müalicə yollarına yönəldin. Əgər namazı tərk etdiyini dəqiq bilmirsinizsə, sadəcə ehtimala əsaslanaraq bunu demək doğru deyil. Dostunuzun eyiblərini insanlar arasında yaymaq, onun eyiblərini danışmaq doğru deyil. Əgər dostunuzun günaha davam etməsindən və özünə zərər verməsindən qorxursunuzsa, onun islahına, həqiqətən, kömək edə biləcək, dostunuzun da sözünü qəbul edtdiyi etibar etdiyiniz bir müsəlmana vəziyyəti yalnız ehtiyac qədər və qeybət məqsədi olmadan bildirə bilərsiniz. Həmçinin dua edərək Allahdan onun qəlbini islah etməsini, günahlardan uzaqlaşdırmasını və sizə də ona düzgün şəkildə nəsihət etməyi nəsib etməsini diləyin. Həmçinin oxuyun:

Teqlər: 
böyük günahlar
Paylaş: