Peyğəmbərimiz isti olanda başını möhürə qoyubmu?

Aleykum salam. Bu cavabı oxuyun: Şiə və sünni nədir və bunların hansı düzgündür?
Möhür haqqında isə şəriətdə heç bir səhih məlumat yoxdur. Çünki Peyğəmbərimiz Məhəmməd (Allahın ona və ailəsinə salamı və salavatı olsun) namazı möhürsüz qılmışdır. Möhürlə namaz qılmaq Peyğəmbərdən (salləllahu aleyhi və səlləm) sonra dinə gətirilən bidətdir. Bidət dində olmayan bir ibadəti dinə salmaqdır. Aişə (radıyəllahu anhə) rəvayət etmişdir ki, Peyğəmbər (salləllahu aleyhi və səlləm) belə buyurdu: "Kim bizim bu işimizdə (dinimizdə) ondan olmayan bir yenilik edərsə o, rədd olunandır". (əl-Buxari, 2697; Muslim, 1718).
Başqa bir rəvayətdə isə belə demişdir: "Kim bizim işimizə uyğun olmayan bir əməl edərsə o, (əməl) rədd olunandır". (Muslim, 3/313).
Peyğəmbər (salləllahu aleyhi və səlləm) və səhabələri yol gedərkən namaz qılmaq istədikdə səhranın qızmış qumu onların alınlarını yandırır. Bu zaman Allah Rəsulu (salləllahu aleyhi və səlləm) deyir ki, qumu su ilə horra edin və alnınızı ona qoyun. Bu, istisna hal olub. Bu o demək deyil ki, həmişə qumu su ilə horra edib namaz qılmaq lazımdır. Sadəcə buna səbəb yarandı deyə belə oldu. Ümumiyyətlə dinimizdə belə bir qayda var: İstisnalar ana qaydanı, (özəyi, kökü) dəyişmir.