Pivə istehsal edən şirkətin buraxdığı limonadı almaq olarmı?
Sual:
Essalamu aleykum.Bir gürcü sirketinin ölkemizde eyni adla hem limonadi hem de pivesi satilir.Hemin limonaddan alib icmek olar,yeni hem de pive istehsal eden bir sirkete xeyir vermis oluruqmu?
Cavab:
Aleykum salam. Pivə istehsal edən zavodun limonadını alıb içmək olar. Necə ki, içki satılan marketdən çörək almaq olar. Söhbət pivə istehsal edən şirkətə xeyir verməkdən gedirsə, istəyən çəkinə bilər. Hədisdə deyilir ki, "haramlar da bəllidir, halallar da. Bunların arasında olanlar isə şübhəli məsələlərdir. Kim şübhəli məsələlərdən çəkinərsə, dini qorumuş olar...". (əl-Buxari və Muslim).