"Sələəmun qavlə-m-mir-rabbi-r-rahiim" sözlərinin mənası nədir?

Aleykum salam. Bu ifadə Yə Sin surəsinin 58-ci ayəsidir. Uca Allah buyurur: "Üstəlik Rəhmli Rəbb (onlara): "Salam" deyəcək". (Yə Sin, 58).
Ayənin təfsirində isə belə deyilir: "Rəhmli Allahın Özü Cənnət sakinlərinə salam verəcək. Uca Allah möminlərlə ən kamil və gözəl tərzdə danışacaq. Onun İlahi salamından sonra Cənnətin hər bir sakini özünü büs­bü­tün təhlükəsizlik və əmin-amanlıq içində hiss edəcək. Aləm­lərin Rəbbinin salamı ilə müqayisə edilə biləcək başqa bir salamlaşma mövcud deyil və Onun salamını eşitməkdən də bö­yük xoşbəxtlik yoxdur. Cənnət sakinlərini salamlayacaq Mehri­ban, Rəhmli və Qüdrətli Hökmdarın sözləri çox ecaz­kar olacaq. Onlar Onun xeyirxahlığını qazana bilmiş və Onun qəzə­bin­dən xilas olmuşlar, əgər Allah onları diriltikdən sonra ölüm­dən xilas etməsəydi, onda onların ürəkləri sevincdən və şadlıqdan partlaya bilərdi".