Valideynlərdən xəbərsiz hicama və ruqyə etdirmək olarmı?

01.03.2015

Kimdən:

anonim

Sual:

Salam aleykum. Mən hicama və ruqya olunmaq istəyirəm. Lakin valideynlərim cahildir. Onlar belə şeyə inanmadıqları üçün hicama və ya ruqya olunmağıma razı olmayacaqlar. Mənim isə buna ehtiyyacım var. Mən onların xəbəri olmadan edə bilərəmmi? Mən dünyəvi işlərdə onlara itaət edirəm, lakin dini məsələlərdə itaət etmirəm. Hicaba da icazə vermirdilər, lakin örtdüm. Və indi hicabı qəbul ediblər Əlhəmdulilləh. Lakin onlara hicama və ruqya haqda deməmişəm. Çünki valideynlərim onların faydasına inanmadıqları üçün razı olmayacaqlar. Onlardan xəbərsiz hicama və ruqya oluna bilərəmmi? CəzəkAllahu xayran.

Cavab:

Aleykum salam. Uca Allah bizə hər bir halda valideynlərlə gözəl davranmağı əmr etmişdir: "Rəbbin yalnız Ona ibadət etməyi və ata-ana ilə yaxşı davranmağı buyurmuşdur. Əgər onların biri və ya hər ikisi sənin yanında qocalıq yaşına dolarsa, onlara: "Uf!" belə demə, üstlərinə qışqırma və onlara xoş söz söylə! Onların hər ikisinə rəhm edərək təvazökarlıq qanadının altına al və: "Ey Rəbbim! Onlar məni körpəliyimdən tərbiyə edib böyütdükləri kimi, Sən də onlara rəhm et!"– de. (əl-İsra, 23-24).

Əgər sizin ciddi probleminiz varsa və şəfa tapmaq üçün yol bundadırsa, o halda valideynlərdən xəbərsiz hicama və ruqyə etmək olar. Qadına hicamanı qadın etməlidir, ruqya isə əgər kişi tərəfindən ediləcəksə, tək olmamalı, başqa bir nəfərlə getməlisiniz. Ruqya edən adam əlini başınıza qoyduqda dəsmal və ya başqa şeyin üzərindən qoymalı və sizə toxunmamalıdır.

Teqlər:

cadu

təbabət

Paylaş: