Zöhr namazı vaxtında dərsdə oluram, bir saat sonra qılsam olarmı?

Salam aleykum. Namazı vaxtı girən kimi qılmaq savabı ən çox olan əməllərdəndir. Peyğəmbərimiz (salləllahu aleyhi və səlləm) ən fəzilətli əməlin hansı olduğunu soruşan səhabəyə: "Vaxtında (və ya vaxtının başlanğıcında) qılınan namazdır" - deyə buyurmuşdur. (əl-Buxari "Məvaqit", 162).
Vaxt girən kimi namaz qılmağa şərait olmadıqda vaxt çıxana qədər qılmaq olar. Rəsulullah (salləllahu aleyhi və səlləm) demişdir: "Namazların ilk vaxtında Allahın rizası, son vaxtında isə Allahın əfvi vardır". (ət-Tirmizi "Məvaqit", 13).
Namazı vaxtında qılmayaraq qəsdən qəza etmək isə olmaz. Dərslər arasındakı fasilədə şərait taparaq namaz qılmaq lazımdır. Həmçinin daimi olmamaq şərtilə zərurətdə namazları birləşdirmək də olar. Daha ətraflı: Dərslər səbəbilə namazları birləşdirmək haqqında