İçki nədir?

İbn Ömər (A.R.O.) Peyğəmbərin (S.A.V.) belə dediyini rəvayət edir: «Hər bir sərxoşedici şərab (içki) sayılır. Hər bir şərab isə haramdır»[1].
Aişə (A.R.O.) deyir ki, Peyğəmbər (S.A.V.) qıcqırdılmış baldan düzələn "əl-Biti" adlı içki haqqında soruşuldu. Bu içkini Yəmən camaatı içərdilər. Peyğəmbər (S.A.V.) dedi: «Sərxoşedici hər bir içki haramdır»[2].
İbn Ömər (A.R.O.) deyir ki, Ömər ibn əl-Xəttab (A.R.O.) minbərə çıxıb dedi: «Şərabın haram olması nazil olmuşdur. O beş şeydən hazırlanır: Üzümdən, xurmadan, baldan, buğda və arpadan. Şərab, insanın ağlını sərxoş edən içkidir»[3].
Noman ibn Bəşir (A.R.O.) Peyğəmbərin (S.A.V.) belə dediyini rəvayət edir: «Həqiqətən buğdadan, arpadan, kişmişdən, xurmadan və baldan şərab hazırlanır»[4].