Namazda ruzini Allahdan necə istəmək lazımdır?

Aleykum salam. Bu cür dua etməyinizdə heç bir qəbahət yoxdur. Daha yaxşı olar ki, bu cür deyəsiniz: "Allahım, Mənim ruzimi yetir! Mənə həm bu dünyada, həm də axirətdə halal ruzi ver və bunu mənim üçün xeyirli et!"
Allahdan ruzi istəmək üçün sünnədə gələn bəzi dualar:
Ummu Sələmə (radıyəllahu anhə) Allah Rəsulunun (salləllahu aleyhi və səlləm) Sübh namazının axırında salam vermək istədikdə belə dua etdiyini xəbər verir: "Allahummə, inni əs'əlukə ilmən nəfiən va rizqan tayyibən va amələn mu­təqab­bələn - Allahım! Səndən faydalı elm, təmiz ruzi və məqbul olan əməl diləyirəm!". (İbn Məcəh: 1/152-925 və başqaları; "Məcməuz-Zəvaid", 10/111).
Həmçinin Allah Rəsulu (salləllahu aleyhi və səlləm) bu şəkildə dua edərdi: "Allahım! Mənim günahımı bağışla, evimə genişlik ver və mənə lütf etdiyin ruzini də bərəkətli et!" (İmam Əhməd "Musnəd", 4/63).
"...Allahım! Borc içində boğulmaqdan, düşmənə məğlub olmaqdan və düşməni sevindirəcək vəziyyətə düşməkdən Sənə sığınıram!" (Əbu Davud, 1555).
"...Allahım! Küfrdən və yoxsulluqdan Sənə sığı­nıram. Qə­bir əzabından Sənə sığını­ram. Həqiqətən Səndən başqa haqq olan məbud yoxdur!" (Əbu Davud, 4/324; İmam Əhməd, 5/42; ən-Nəsai "Əməlul-Yov­mi Val-Leyl", №22, səh: 146; İbn əs-Sunni, №: 69, səh: 35; əl-Buxari "Ədəbu-l-Mufrad", 701).
"Allahım! Məni o qədər halal ruzi ilə qane et ki, harama girməyim. Məni kərəminlə elə zəngin et ki, Səndən başqasına möhtac olmayım!"
"Allahım! Xəsislikdən, tənbəllikdən, ömrün sonunda maddi-mənəvi möhtac vəziyyətə düşməkdən, qəbir əzabından, dirilərin və ölülərin fitnəsindən Sənə sığınıram!" (əl-Buxari "Cihad", 25). Həmçinin oxuyun:
Ruzinin artması üçün nə etməliyik?
Duaların qəbul olması üçün nə etmək lazımdır?