Namazı qaranlıq yerdə qılmaq olarmı?

    02.01.2016
Kimdən: 
muselmanka91
Sual: 
Assalam aləykum. Əziz qardaşlar,artıq 2 aya yaxındı sualımın cavabını gözləyirəm.Amma yoxdu.Xahiş edirəm suallarıma tez bir zamanda cvb.landırasız.İndiki suallarım:1.Namazı tam qaranlıq yerdə qılmaq olarmı,yəni səhihdirmi?Elə qaranlıqki,gözləri hara baxdığını hiss eləmir.Məsəlçün işıq sönəndə. 2. 4 rükət namaz qılarkən səhvə yol verib 3-cü rükətində də təşəhhüdə otursam,axırıncı 4cü rükətini də qılıb yenə təşəhhüd edib və axirda salamdan qabaq sehv secdəni etməliyəmmi? Ve yaxud,4 rükətli namazin 2-ci rükətin təşəhhüdündə səhvən salavatları da,duaları da oxusam ve srazu durub 3-cü 4-cü rükətlərə davam etsəm,axırda sehv secdə gəlirmi?Yoxsa belə hallarda ehtiyac yoxdu?Allah razı olsun.Amin.
Cavab: 

Və aleykum Salam.
1. Səbəbsiz yerə namazı tam qaranlıq yerdə qılmaq olmaz. Peyğəmbər (Allahın ona və ailəsinə salavatı və salamı olsun) namazda fikri yayındıran hər bir şeydən bizi çəkindirib. Çünki, tam qaranlıq yerdə namaz qılarkən istər-istəməz fikir yayılır. Lakin, namaz qıldığınız vaxt birdən-birə işıqlar sönsə, namazı qılıb tamamlamaq lazımdır və bunda heç bir qəbahət yoxdu. Həmçinin, namaz qılacağınız yeri işıqlandırmağa heç bir vasitə yoxdursa, bunun namaza zərəri yoxdur.
2. Dörd rükətli namazın üçüncü rükətində səhvən təşəhhüdə otursanız, namazın sonunda səhv səcdəsi etməniz kifayətdir. Üç və dörd rükətli namazlarda ikinci rükətin təşəhhüdündən sonra isə salavatı demək daha doğrudur. Həmçinin oxuyun: Səhv səcdəsi necə yerinə yetirilir?

Teqlər: 
namaz
Paylaş: