Dəf edə bilmədiyim günahlara görə hicab bağlamaq mənə mənasız gəlir...

Və aleykum Salam. Şeytan insanı günahlara sövq edəndən sonra "güahların çoxdur", "Allah bağışlamayacaq" və s. vəsvəsələrlə Allahdan ümidi üzməyə çağırır. Allahdan ümidini üzmüş insana isə vacib əməllərin onsuz da fayda verməyəcəyini təlqin edərək hicabı açmaq, namazı tərk etmək kimi daha böyük günahlara təhrik edir. Təbii ki, bu, hiylədir, çünki, Uca Allah mərhəmətli, bağışlayan və tövbələri qəbul edəndir. Uca Allah buyurur: "Həqiqətən, O, tövbələri qəbul edəndir!" (ən-Nasr, 3). Peyğəmbər (Allahın ona və ailəsinə salavatı və salamı olsun) buyurur: "Allah buyurur: "Ey Adəm oğlu! Nə qədər ki, sən Mənə dua (istiğfar) edirsən və Mənə ümid bəsləyirsən, sənin nələr etdiyinə baxmayaraq səni bağış­layaram. Ey Adəm oğlu! Əgər sənin günahların göyün bu­lud­larına qədər çatsa, sonra Məndən bağışlanma diləsən, Mən səni bağışlayaram. Ey Adəm oğlu! Əgər sən Mənim hüzuruma yer boyda günahla Mənə heç bir şeyi şərik qoşmadan gəlsən, Mən də yer boyda bağışlanma ilə səni qarşıla­yaram". (ət-Tirmizi, 3540). Uca Allah buyurur: "Ey insanlar! Həqiqətən, Allahın vədi bir həqiqətdir. Qoy bu dünya sizi aldatmasın, tovlayan şeytan da sizi yoldan çıxartmasın. Şübhəsiz ki, şeytan sizin düşməninizdir, siz də onu düşmən sayın. O öz tərəfdarlarını Od sakini olmağa çağırır". (Fatir, 5-6). Günahlara görə tövbə edin, elminizi, imanınızı artırın və günahdan çəkinməyə çalışın. Allah sizə kömək olsun və bütün sıxıntılardan xilas etsin! Daha ətraflı: 
Tövbə etsəm, Allah məni bağışlayarmı?
Günahı necə tərgitmək olar?
Hicab - azadlıqdır!
İmanı necə artırmaq olar?