Əgər bir nəfər mənə cadu edibsə, ona cadu etdirə bilərəm?

Salam aleykum. Bu həlak edən günahlardandır. Peyğəmbər (Allahın ona və ailəsinə salavatı və salamı olsun) demişdir: "Həlakedici yeddi günahdan çəkinin!" Soruşdular: "Ya Rəsulullah, nədir onlar?" Peyğəmbər (salləllahu aleyhi və səlləm) buyurdu: "Allaha şərik qoşmaq, cadugərlik etmək, Allahın ha­ram bu­yurduğu cana nahaq yerə qəsd etmək, sələm yemək, yetimin malını yemək, dö­yüş mey­danından qaçmaq vəzinadan xəbəri olmayan namuslu, ismətli mö­min qadınları zina­da ittiham etmək". (əl-Buxari, 2766). Cadu edənə cadu etdirməklə cavab vermək də eyni günahdan sayılır. Namaz qılanın cadu etməsi isə daha dəhşətdir. Peyğəmbər (Allahın ona və ailəsinə salavatı və salamı olsun) buyurmuşdur: "Sizə kimin mömin oduğunu bildi­rimmi? Mömin - insanların canlarına və mallarına görə ondan arxayın olduqları kimsədir. Müsəlman - müsəlmanların onun əlindən və dilindən salamat olduqları kimsədir. Mücahid – itaətdə nəfsilə mübarizə edən kimsədir. Mühacir – asilikləri və günahları tərk edən kimsədir". (əl-Hakim, 24). Əgər müsəlmanın əlindən və dilindən başqalarına zərər dəyməməlidirsə, görün cadu etdirən nə boyda günah etmiş olur. Həmçinin oxuyun: 
Cadudan necə qorunmaq olar?
Sevdiyim xanımın məni sevməsi üçün cadu etmək olarmı?