Peyğəmbərin epilepsiya xəstəliyi olması doğrudurmu?

    17.10.2016
Kimdən: 
Uxti
Sual: 
Salam aleykum va rehmatullahi va barakatuh! Peygember s.a.s.in epilepsiya xestesi oldugu ve epilepsiya xesteliyinin cinli adamlarda oldugu dogrudurmu? Bir de bilmek isteyirdim suallari cavablandiran kimdir, zehmet olmasa, adi yazardiniz. Cezekallahu xayran
Cavab: 

Və aleykum Salam. Peyğəmbərin (Allahın ona və ailəsinə salavatı və salamı olsun) epilepsiya xəstəsi olması şübhəsi cəfəngiyatdan və qeyri-müsəlmanların yaydığı şübhələrdən başqa bir şey deyil. Əksinə, epilepsiya xəstəliyi olan adamlar sağalmaq üçün onun yanına gələrmişlər. Əbu Hureyra (Allah ondan razı olsun) demişdir: "Ürəkgetmədən əziyyət çəkən bir qadın Allah Elçisinin (salləllahu aleyhi və səlləm) yanına gəlib dedi: "Ey Allahın Elçisi, mənim üçün Allaha dua et!" O buyurdu: "İstəyirsənsə, Allaha dua edim, O da sənə şəfa versin. İstəyirsənsə, səbr et, (Cənnətə girmək üçün) sənə sorğu-sual olmaz". Qadın dedi: "Mənə sorğu-sual olmasın deyə səbr edərəm". (İbn Hibban, 2909). Ata ibn Əbu Rabəh (Allah ona rəhmət etsin) rəvayət edir ki, Abdullah ibn Abbas (Allah ondan razı olsun) mənə belə dedi: "Sənə cənnət əhlindən olan bir qadın göstərimmi?" Mən: Bəli! - dedim. İbn Abbas (radıyəllahu anhumə) dedi: "Bu zənci qadındır. Bu qadın Rəsulullahın (salləllahu aleyhi və səlləm) yanına gəlib demişdir: "Mənim epilepsiya xəstəliyim var və özümdən gedəndə örtüyüm açılaraq bədənim görünür. Mənim üçün Allaha dua et!" Peyğəmbər (sallallahu aleyhi və səlləm) ona belə cavab verdi: "İstəyirsən səbr et və Cənnətlik ol. İstəyirsən də Allaha dua edim sənə şəfa versin!" Bunu eşitdikdə qadın dedi: "Mən səbr edərəm, amma bədənim açılır. Heç olmasa açılmaması üçün dua et!" Peyğəmbər (salləllahu aleyhi və səlləm) də dua etdi". (əl-Buxari, 5652; Muslim, 2576). Həmçinin oxuyun: 
Sualları kim cavablandırır?
Sudoroqa xəstəliyini ruqyə ilə müalicə etmək olarmı?

Teqlər: 
Paylaş: