Evlənməmək günahdırmı?

Və aleykum salam. Zəruri, üzrlü səbəb olmadan evlənməmək Allah Rəsulunun (salləllahu aleyhi və səlləm) əmrinə ziddir. Ənəs ibn Malik (Allah ondan razı olsun) demişdir: "(Bir dəfə) üç nəfər Peyğəm­bərin (salləllahu aleyhi və səlləm) evinə gəlib onun əhli-əyalından Peyğəmbərin (salləllahu aleyhi və səlləm) ibadəti barəsində so­ruş­du. Bu haqda onlara xəbər verildikdə onlar (etdikləri ibadətin) az oldu­ğu­nu güman edib belə dedilər: "Yəni biz Peyğəmbər (salləllahu aleyhi və səlləm) kimi ola bilərikmi? Üs­təlik Allah onun bütün keçmiş və gələcək xətalarını bağışlamış­dır". On­lar­­dan birisi dedi: "Mən bütün gecələri ibadət edəcəyəm, yatmayacağam”. O bi­risi dedi: “Mən il boyu oruc tuta­cağam, (gündüzlər) yemək ye­mə­yə­cə­yəm". Üçüncüsü dedi: "Mən qadınlara yaxın durmayacağam, heç vaxt ev­lən­­məyə­cəyəm". Peyğəmbər (salləllahu aleyhi və səlləm) bunu eşidəndən sonra onların yanına gəlib de­di: "Filan, filan sözləri sizmi demisiniz?! Vallahi ki, aranızda Allahdan ən çox qorxanınız mənəm. Bununla belə mən bəzən oruc tutur, bəzən də tut­mu­ram, gecənin bir vaxtını namaz qılır, digərində isə dincəlirəm və nəhayət, mən qadınlarla evlənirəm. Belə olduğu halda mənim yolumdan çıxan kim­sə­lər məndən deyildirlər". (əl-Buxari, 5063).

Abdullah ibn Məsud (Allah ondan razı olsun) demişdir: "Biz Peyğəmbərlə (ona və ailəsinə Allahın salavatı və salamı olsun) birlikdə olarkən o belə buyurdu: "Qoy evlənməyə imkanı olan (hər kəs) evlənsin. Çünki evlilik, göz­ləri və cinsiyyət üzvünü (zinadan) qoruyan ən yaxşı (səbəbdir). İmkanı ol­ma­­yan­lar isə oruc tutsunlar. Çünki oruc (insanın) şəhvətini soyudur". (əl-Bu­xa­ri, 1905).