Xəstənin sağlam olanların arasına gəlməsi düzdürmü?

Salam aleykum. Əgər xəstəlik keçicidirsə, qorunmaq məqsədilə həmin şəxs sağalana qədər ehtiyat etmək olar. Əbu Hureyrə (Allah ondan razı olsun) rəvayət edir ki, Peyğəmbər (salləllahu aleyhi və səlləm) belə demişdir: "Xәstәni sağlam olanların arasına gәtirmәyin". (əl-Buxari, 5771-5774; Muslim, 2221).
Həmçinin digər hədisdə nəql olunmuşdur ki: "Cüzam xəstəliyindən şirdən qaçdığın kimi qaç". (əl-Buxari, 5707).
Bir başqa hədisdə də belə deyilmişdir: "Əgər bir yerdə taun varsa o yerə girməyin, əgər bir yerə taun gələrsə o yerdən çıxmayın". (əl-Buxari 5729, 5730; Muslim 5915).
Lakin, ehtiyat saxlayarkən, bunu ədəbli şəkildə, qarşı tərəfin xətrinə dəyməyəcək formada etmək və onun üçün Allahdan şəfa istəyərək çoxlu-çoxlu dua etmək lazımdır.