Günün hansısa vaxtlarında yatmaq haramdırmı?

    10.06.2017
Sual: 
Salam. Bele bir sualim olacaqdi. Men seher saat 6 da ise gedirem. Axsamustu 5 - 6 arasi gelirem. Cox yorgun oluram. Axsamda islediyim is ile bagli islerim olur. Buna gorede yatmaga ehtiyacim olur. Amma din asagida yazidan gorunduyu kimi dinimiz qadagan edir yatmagi. Mene ne meslehet gorursunuz? Peyğəmbərdən (salləllahu aleyhi va səlləm) rəvayət edilmişdir ki, gün ərzində yatmaq 5 qisimdir. 1. Əylulə yuxusu: Bu yuxu yuxarıda deyildiyi kimi, yəni sübh namazı ilə günəş çıxan zaman arasında olan fasilədə yatmaqdır. Bu yuxu məkruhdur. 2. Fəylulə yuxusu: Bu günəş çıxandan sonra günün əvvəlində yatmaqdır. 3. Qəylulə yuxusu: Bu zöhr namazından qabaq yatmaqdır. Hədisdə bu yuxu bəyənilmiş və faydalı olduğu bildirilmişdir. 4. Həylulə yuxusu: Bu zöhr azanından başlamış və sonrayadək davam edən yuxudur. Hədisdə deyilmişdir ki, bu yuxu (mənəvi) zülmətə bais olur. Çünki zöhr azanı olduqdan sonra 4 rükət namaz müddəti qədər dua etmək üçün ən gözəl fürsətdir. Bu zaman göyün qapıları açılır və dualar qəbul olur. 5. Ğəylulə yuxusu: Bu günəş batan zaman yatmaqdır. Hədisdə gəlmişdir ki, bu yuxu zahiri və batini xəstəliklərə səbəb olur.
Cavab: 

Və aleykum Salam. Dinimiz günün hansısa vaxtında yatmağa qadağa qoymayıb. Yalnız Məğrib və İşa namazları arası yatmaq bəyənilmir, amma hətta bu da haram deyil. Əbu Bərzə (Allah ondan razı olsun) deyir: "Peyğəmbər (Ona və ailəsinə Allahın salavatı və salamı olsun) İşa namazından əvvəl yatmağı, sonra isə danışmağı xoşlamazdı". (əl-Buxari, 568). Yorğun olan insan hər vaxt yatıb dincələ bilər. Siz dediyiniz hədisdə mənbə yoxdur və ümumiyyətlə belə bir səhih hədis yoxdur. Bu yazılanlar bir neçə hədisdən toplanmış ibrətlərdir. Bunların içində zəif hədis də var. Qaylulə hədisi kimi. Allah Elçisi (salləllahu aleyhi və səlləm) rəvayət edir: "Qaylulə edin, şübhəsiz ki, şeytan qaylulə etməz". (əs-Suyuti "Cəmius-Sağir" 6168, 8526). Qaylulə - günün əvvəlində Duha vaxtı (gün çıxandan sonra) yatmağa deyilir. Həmçinin, günorta vaxtı yatmağa da qaylulə deyilir -- belə ki, Səhl (Allah ondan razı olsun) belə demişdir: "Biz Allah Elçisi (salləllahu aleyhi və səlləm) ilə Cümə namazını qılardıq, qaylulə ondan sonra olardı". (əl-Buxari, Cümə 40). Bu vaxtlarda yatmaq yaxşıdır, amma yatmayan insan günah qazanmır.

Paylaş: