Sağ və sol tərəfimizdə mələklər varmı?

    16.02.2014
Sual: 
Salam aleykum. Mən eşitmişəm ki, sağ və sol tərəfimizdə mələklər var sağ yaxşı əməllərimizi yazır sol da pis əməllərimizi bu düzdürmü?
Cavab: 

Aleykum salam. Uca Allah buyurur: "Həqiqətən, sizin üstünüzdə nəzarətçilər vardır – çox möhtərəm, əməllərinizi yazanlar. Onlar sizin nə etdiklərinizi bilirlər" (əl-İnfitar, 10-12).
Həmçinin, Uca Allah buyurur: "Sağında və solunda iki mələk oturub onun əməllərini qeydə alır. Dediyi elə bir söz yoxdur ki, onu yazmaq üçün yanında hazır durmuş gözətçi olmasın" (Qaf, 17-18).
      Bu ayədə "mə min qaulin" (dediyi elə bir söz yoxdur ki) ifadəsi bütün sözləri əhatə edir. Bu mələklər insanın bütün söz və əməllərini qeydə alır. Həmçinin, səhih hədisdə Peyğəmbər sallallahu aleyhi və səlləm xəstəliyin fəziləti haqqında demişdir: “Müsəlman bir qul xəstə olduğu zaman sağındakı mələyə: “Qulum üçün sağlam ikən yazdığın yaxşı əməli yaz”- deyilir. Solundakı mələyə: “Xəstə olduğu müd­dətdə qulumun günahlarını yazma”- deyilir”. Bu hədisi rəvayət edən Əbu Hureyranın yanında olan bir kimsə: “Kaş mən də daim xəstə olaydım”- dedikdə, Əbu Hureyra: “Qul günahları sevməz”- dedi”.

Paylaş: