İçki olan toyda oturmadan təbrik edib qayıtmaq olarmı?

Salam aleykum. Yaxın dostluq, qohumluq əlaqələrinə görə imtina etmək mümkün deyilsə və ya toy sahibinə borcunuz varsa, toya gedib həmin məclisdə oturmayaraq bəyi təbrik edib qayıda və ya toya pul göndərə bilərsiniz. Ancaq belə məclislərdə mümkün qədər iştirak etməkdən çəkinin, çünki spirtli içkilər və musiqi olan məclislərdə iştirak etmək dinimizə görə günahdır. Bu barədə Peyğəmbərimiz (salləllahu aleyhi və səlləm) belə demişdir: "Kim Allaha və axirət gününə inanırsa, içki içilən süfrədə (məclisdə) oturmasın". (İmam Əhməd, 1/20; əl-Beyhaqi, 7/366). Bu cavabları oxuyun:
Spirtli içkilər verilən məclisdə iştirak etmək olarmı?
Müsəlman toyu necə olmalıdır?