Bədr əhlinin fəziləti

 
Rəvayət edilir ki, Əli (Allah ondan razı olsun) demişdir: “(Bir dəfə) Peyğəmbər - salləllahu aleyhi və səlləm - mə­nə, Zubeyrə və Miqdada dedi: “Ravdatu Xaxa[1] gedin! Orada kəcavənin içində gedən, özü ilə məktub aparan bir qadına rast gələcəksiniz. Məktubu on­dan götürər­siniz”. Bundan sonra biz yola düş­dük və atlarımızı dörd nala çap­dıq. Nəhayət, gəlib Ravdaya çatdıq və orada kəcavəni gördük. Biz (onun için­dəki qadına): “Məktubu çıxart!”- de­dik. Qadın: “Məktub nədir?” Biz de­dik: “Ya məktubu verəcəksən, ya da səni soyunduracağıq”. Onda qadın saç­la­rının arasından məktubu çıxartdı və biz onu (Peyğəmbərə - salləllahu aleyhi və səlləm) gə­tir­dik. Mək­tubda yazılmışdı: “Ha­tib ibn Əbu Bəltəədən...”. Məktubda (Ha­tib) Mək­kə müşrik­lərindən olan bir dəstəyə Peyğəmbərin - salləllahu aleyhi və səlləm - işləri barədə xə­bər ve­rirdi. Peyğəm­bər - salləllahu aleyhi və səlləm - dedi: “Bu nədir, ey Hatib?!” Hatib dedi: “Məni (qı­na­ma­ğa) tələsmə, ey Allahın Elçisi! Mən qureyşdən idim, lakin onların nəslin­dən de­yildim. Səninlə birlikdə (hicrət etmiş) mühacirlərin qo­hum-əqrəbası on­la­rın Məkkə­dəki ailələrini və mallarını himayə edir. Onla­rın arasında mə­nim qo­­humlarım yoxdur deyə, mən onları qorumaq üçün belə etmək istəyir­dim. Mən bunu kafir olmaq və ya dindən dönmək məqsə­dilə etmədim”. Pey­ğəm­bər - salləllahu aleyhi və səlləm - buyurdu: “Həqiqətən, o, sizə düz deyib”. (Bu vaxt) Ömər dedi: “Ey Allahın Elçisi, mənə izn ver onun boynunu vurum”. Peyğəmbər- salləllahu aleyhi və səlləm - buyur­du: “Axı, o, Bədr döyüşündə iştirak edib. Məlumun olsun ki, Uca Allah Bədr­də döyüşənlərə baxıb demişdir: “İstədiyi­nizi edin, artıq Mən sizi bağışlamışam!” Amr demiş­dir: “(Hatibin) barəsində bu ayə nazil oldu: “Ey iman gəti­rən­lər! Mə­nim düş­mənimi də, öz düşmə­ninizi də özü­nü­zə dost tutma­yın!” (əl-Mumtəhənə, 1)”.[2]