Peyğəmbərin - sallallahu aleyhi və səlləm - mərhəmətli olması
عَنِ ابْنِ عَبَّاسٍ قَالَ قَالَتْ قُرَيْشٌ لِلنَّبِىِّ ﷺ ادْعُ لَنَا رَبَّكَ أَنْ يَجْعَلَ لَنَا الصَّفَا ذَهَباً وَنُؤْمِنَ بِكَ. قَالَ «وَتَفْعَلُونَ». قَالُوا نَعَمْ. قَالَ فَدَعَا فَأَتَاهُ جِبْرِيلُ فَقَالَ إِنَّ رَبَّكَ عز و جل يَقْرَأُ عَلَيْكَ السَّلاَمَ وَيَقُولُ إِنْ شِئْتَ أَصْبَحَ لَهُمُ الصَّفَا ذَهَباً فَمَنْ كَفَرَ بَعْدَ ذَلِكَ مِنْهُمْ عَذَّبْتُهُ عَذَاباً لاَ أُعَذِّبُهُ أَحَداً مِنَ الْعَالَمِينَ وَإِنْ شِئْتَ فَتَحْتُ لَهُمْ بَابَ التَّوْبَةِ وَالرَّحْمَةِ. قَالَ «بَلْ بَابُ التَّوْبَةِ وَالرَّحْمَةِ»
İbn Abbas (Allah ondan razı olsun) rəvayət edir ki, Qureyşlilər[1] Peyğəmbərin - salləllahu aleyhi və səlləm - yanına gəlib dedilər: “Bizim üçün Rəbbinə dua et ki, Səfa dağını[2] qızıla döndərsin, biz də sənə iman gətirək”. O dedi: “İman edəcəksinizmi?” Onlar: “Bəli!”- deyə cavab verdilər. O, (Rəbbinə) dua etdikdə Cəbrail onun yanına gəlib dedi: “Uca Rəbbin sənə salam göndərir və buyurur: “İstəyirsənsə, Səfanı onlar üçün qızıla çevirim. Lakin bundan sonra aralarından kafir olanlara aləmlərdən heç bir kəsə vermədiyim bir əzabı verəcəyəm. Yaxud istəyirsənsə, onlar üçün tövbə və rəhmət qapısını açım”. Peyğəmbər salləllahu aleyhi və səlləm dedi: “Tövbə və rəhmət qapısını (onların üzünə aç!)”[3]
[1] Qureyş - Məkkədə məskunlaşan, Muhəmməd Peyğəmbərin ﷺ mənsub olduğu ərəb tayfasıdır.
[2] Səfa - Məscidul-Həramın şərq hissəsində yerləşmiş iki təpəlikdən biridir.
[3] Əhməd, 2058, 2166, 2203. əl-Albani “Silsilətul-Əhədisis-Sahiha”da (№ 3388) və “Sahihut-Tərğib vət-Tərhib”də (№ 3142) səhih olduğunu bildirmişdir.