Allahdan ümidi üzmək günahdırmı?

    30.03.2014
Sual: 
Salam aleykum. Size sualim var. Amma xahiş edirem tez cavab verin. Menin uchun chox vacibdir. Allaha qarshi umudi uzmek gunahdir? Tek Allaha qarshi yox, her sheye qarshi umidim itib. Bele etmekle gunah qazaniram men? Xahish edirem ki, mene bu meseleni derinden her bir inceliyine qeder geniş ve izahli shekilde achiqlayasiniz.
Cavab: 

Aleykum salam. Uca Allahın rəhmətindən ümidi kəsmək küfr kimi böyük günahlardan hesab olunur. Allahdan ümidlərini yalnız kafirlər üzərlər. Uca Allah Qurani Kərimdə buyurur:
"(Ya Peyğəmbər! Mənim adımdan qullarıma) de: “Ey Mənim (günah törətməklə) özlərinə zülm etməkdə həddi aşmış bəndələrim! Allahın rəhmindən ümidsiz olmayın. Allah (tövbə etdikdə) bütün günahları bağışlayar. Həqiqətən, O bağışlayandır, rəhm edəndir!" (əz Zumər, 53).
Yuxarıda deyilənlər Allahın bağışlamasından ümidi üzməklə bağlıdır. Uca Allah buyurur:
"Allahın rəhmətindən ümidinizi üzməyin. Çünki Allahın rəhmətindən ümidini kəsənlər Onu tanımayanlar (inkar edənlər) dəstəsidir". (Yusuf, 87).
Ümumən ümidi üzməyə gəlincə Uca Allah Qurani Kərimdə İbrahim peyğəmbər haqda buyurur:
"Onlara İbrahimin qonaqları barəsində də xəbər ver. O zaman onlar İbrahimin yanına daxil olub: "Salam!"– dedilər. İbrahim: "Biz sizdən ehtiyat edirik!"– dedi. Mələklər: "Qorxma! Həqiqətən, biz səni bilikli bir oğulla müjdələyirik!"– dedilər. İbrahim dedi: "Qocalıq məni haqladığı bir vaxtda mənə müjdə verirsiniz? Məni nə ilə müjdələyirsiniz?" Onlar dedilər: "Biz sənə həqiqətlə müjdə veririk. Sən ümidini üzənlərdən olma!" İbrahim dedi: "Doğru yoldan azanlardan başqa Rəbbinin mərhəmətindən kim ümidini üzər?" (əl-Hicr, 51-56).
Həmçinin bu məqaləni oxuyun: Səbir edənləri müjdələ!
 

Paylaş: