Valideynlər kişidən xəstə arvadını boşamağı tələb edirlərsə, onlara itaət etməlidirmi?
Va aleykum salam. Əgər qadın xəstəlik səbəbindən kişinin haqlarını ödəməyə qadir deyilsə, bu halda kişi istəsə qadını boşaya bilər və buna görə kişi günah qazanmır. Lakin əgər qadına ərindən başqa baxan və ona qulluq edən yoxdursa, bu halda yaxşı olar ki, qadını boşamasın. Dinimiz kişiyə eyni vaxtda dörd qadın ilə evlənməyi icazə verir. Bu qadını saxlamaqla ikinci qadınla evlənə bilər. Uca Allah buyurur: "Yetim qızlara qarşı ədalətli olmayacağınızdan qorxursunuzsa, onda xoşunuza gələn halal qadınlardan ikisi, üçü və dördü ilə evlənin" (ən-Nisa, 3).
Boşama məsələsində valideynlərə itaət etməyə gəlincə, sözsüz ki, valideynlərin haqları böyükdür və onlara itaət etmək Allaha yaxınlaşdıran ən böyük əməllərdən biridir. Lakin əgər qadının dini və əxlaqı yerindədirsə, bu zaman bu məsələdə valideynlərə itaət etmək vacib deyil və bu məsələdə onların sözündən çıxmaq valideynlərin üzünə ağ olmaq sayılmır. Lakin kişi müxtəlif yollarla valideynlərinin könlünü almağa çalışmalı və onlarla əlaqəni kəsməməlidir. Onlara yaxşı baxmalı və digər, şəriətə müxalif olmayan məsələlərdə onlara itaət etməlidir. Peyğəmbərimiz (Ona və ailəsinə Allahın salavatı və salamı olsun) demişdir: "Yaradana asilikdə (qarşı çıxmaqda) yaradılmışlara itaət etmək olmaz". (İmam Əhməd, 1095). Uca Allah buyurur: "Əgər onlar bilmədiyin bir şeyi Mənə şərik qoşmağın üçün səni məcbur etməyə cəhd göstərsələr, onlara güzəştə getmə! Dünyada onlarla gözəl davran...". (Loğman, 15). Əgər qadında dini və əxlaqi nöqsanlar olarsa, bu zaman valideynlərə itaət etmək olar. Boşanma barədə dinimizin dediklərini bu sualların cavablarından oxuya bilərsiniz: