Sevmədiyin insan məclisə dəvət edirsə, getmək vacibdirmi?
Alimlər bu baxımdan məclisləri iki qismə bölmüşlər:
1) Dəvətini qəbul etmək vacib olan məclislər - bu məclislərə yalnız toylar aiddir. Yəni toya çağırılan insana bu dəvəti qəbul etmək vacibdir. Yalnız üzrlü səbəb olarsa, toy məclisinə dəvətdən imtina etmək olar. Üzrlü səbəblər bunlardır:
1. Əgər bundan daha vacib olan bir iş olarsa və ya toya getməklə kiminsə haqqını tapdalamış olarsa;
2. Əgər məclisdə şəriətlə qadağan olunmuş haramlar (içki, musiqi və s.) olarsa və ya məclis bidət əhlinin məclisi olarsa; bu halda iştirak etmək haramdır.
3. Əgər məclisə çağıran müsəlman olmazsa. Bu halda dəvəti qəbul etmək vacib olmur. Çünki hədisdə "Müsəlmanın digər müsəlman üzərində beş haqqı var" deyilir.
4. Əgər məclisə getmək dəvəti qəbul edənə zərər verərsə; Məsələn ailəsindən ayrılıb uzaq məsafə qət etməli olmarsa və ya çox maddi məsrəf tələb edərsə.
5. Əgər toy edən ümumi olaraq dəvət edərsə; Yəni əgər dəvət edən xüsusi olaraq dəvət etməzsə, ümumi olaraq bir toplumda hamının dəvətli olduğunu elan edərsə, bu elanı eşidən hər kəsə dəvəti qəbul etməsi vacib olmur.
2) Dəvətini qəbul etmək vacib olmayan məclislər - bu məclislərə toylardan başqa məclislər aiddir. Məsələn: əqiq məclisi, iftar süfrəsi, qonaqlır və s. Əksər alimlərin rəyinə görə bu növ məclislərə dəvəti qəbul etmək vacib deyil.
Bununla da aydın olur ki, iftar süfrəsinə dəvəti qəbul etməməkdə sizə günah yazılmır. Lakin pisliyə yaxşılıqla cavab vermək baxımından getməyiniz daha yaxşı olar. Uca Allah buyurur: "Yaxşılıqla pislik eyni ola bilməz. Sən pisliyi yaxşılıqla dəf et! O zaman səninlə ədavət aparan kimsə sanki yaxın bir dost olar. Bu isə ancaq səbir edənlərə verilir və ancaq böyük qismət sahiblərinə nəsib olur.Əgər sənə şeytandan bir vəsvəsə gəlsə, Allaha sığın. Çünki O, Eşidəndir, Biləndir". (Fussilət, 34-36). Həmçinin oxuyun:
Haqsızlığa məruz qalanın haqsızlıq edənlərdən küsməsi günahdırmı?
Küsülü qalmağın zərəri
Sualları kim cavablandırır?